Pavodle jaho słoŭ, takoje rašeńnie abumoŭlena tym, što Ministerstva justycyi padało ŭ Viarchoŭny sud isk ab likvidacyi RHA «Pierśpiektyva» paśla akcyi pratestu pradprymalnikaŭ, što prajšła ŭ Minsku 10 studzienia.
«Partyja BNF całkam padtrymlivaje spraviadlivuju baraćbu pradprymalnikaŭ i najomnych rabotnikaŭ za svajo prava na pracu i za zachavańnie małoha biźniesu ŭ Biełarusi. Pra heta śviedčyć rezalucyja apošniaha sojmu partyi z padtrymkaj patrabavańniaŭ IP, — skazaŭ A.Michalevič. — My rady, što pradprymalniki nie zdajucca pad ciskam uładaŭ, a iduć napierad i pačynajuć razumieć, što ich pravy mohuć być zabiaśpiečany tolki ŭ vyniku palityčnych źmien u krainie. Tamu my budziem vitać stvareńnie palityčnaj siły, aryjentavanaj na abaronu małoha biźniesu. Padkreślivaju, što Partyja BNF zaŭsiody hatova pryniać pradprymalnikaŭ u svaje rady».
Varta zaznačyć, što raniej namieśnik staršyni savieta RHA «Pierśpiektyva» Volha Krumina zajaŭlała: u vypadku likvidacyi «Pierśpiektyvy» členy arhanizacyi inicyjujuć stvareńnie palityčnaj partyi pradprymalnikaŭ. Kali ž zarehistravać novuju partyju nie atrymajecca, nie vyklučany varyjant dałučeńnia da adnoj ź dziejnych apazicyjnych palityčnych sił, zaznačyła V.Krumina.
