 Pieramožca z Karei |
 Dziaŭčyna z Rasiei |
 Pradstaŭnica Litvy |
 Biełaruska Aniśkova |
Nahadajem, finał konkursu «Ford Supiermadel śvietu‑2008» prajšoŭ 16 studzienia ŭ Ńju‑Jorku. Pa minskim časie konkurs zaviaršyŭsia kala 4‑ch hadzin ranicy 17 studzienia. Biełaruś pradstaŭlała 15‑hadovaja školnica, madel «Studyi mody Siarhieja Nahornaha» Darja Aniśkova.
Prava pradstaŭlać krainu na mižnarodnym konkursie jana atrymała, staŭšy pieramožcaj biełaruskaha finału konkursu «Ford Supiermadel śvietu» 13 listapada minułaha hoda.
Jak paviedamiŭ S.Nahorny, pieršaje miesca na konkursie «Ford Supiermadel śvietu‑2008» zaniała pradstaŭnica Karei Seju Jun, druhoje — dziaŭčyna z Rasii Natalla, treciaje — ź Litvy Vilita.
«Mabyć, byli bolš dastojnyja kandydatury», — prakamienciravaŭ vystupleńnie biełaruskaj udzielnicy S.Nahorny.
Sioleta ŭ konkursie ŭziali ŭdzieł 52 dziaŭčyny z roznych krain. U jakaści ŭznaharody pieramožcam dajecca mahčymaść zaklučyć kantrakty z madelnym ahienctvam «Ford Models».
U 2006 hodzie tytuł «Supiermadel śvietu» ŭ Ńju‑Jorku zavajavała 11‑kłaśnica minskaj himnazii Kaciaryna Damańkova. U 2007 hodzie 15‑hadovaja biełaruskaja školnica Viktoryja Machota zaniała ŭ hetym prestyžnym konkursie druhoje miesca.
Konkurs «Supiermadel śvietu» pravodzicca madelnym ahienctvam «Ford Models» ź vieraśnia 1980 hoda. Zhodna z umovami konkursu, udzielničać u im mohuć dziaŭčaty va ŭzroście ad 14 da 20 hadoŭ, jakija majuć rost ad 174 da 180 sm. Pry hetym kandydatki mohuć być abo madelami‑pačatkoŭcami, abo mieć vopyt pracy nie bolš za dva hady.
