 |
Artur Fińkievič i jaho novaja advakatka Hanna Bachcina vyvučyli pratakoł sudovaha pracesu, na jakim aktyvistu ŭ kancy minułaha hodu dali paŭtara hoda źniavoleńnia za parušeńnie režymu adbyćcia papiaredniaha pakarańnia. Pavodle Hanny Bachcinaj, Artur Fińkievič znajšoŭ šerah niedakładnaściaŭ, jakija maje razhledzieć sud.
«Jon nie pahadziŭsia sa šmat jakimi traktoŭkami jahonaj pazycyi, jahonych arhumentaŭ. I tamu my prynieśli zaŭvahi na pratakoł, jakija siońnia ja pieradała sudu. Dalej pavodle zakonu sud ciaham 10 dzion musić ich razhledzieć i pryniać rašeńnie pra toje, ci zadavolić ich, ci admović, ci zadavolić častkova».
Hanna Bachcina skazała, što ŭžo na nastupnym tydni raźličvaje nakiravać kančatkovuju skarhu na vyniesieny Arturu Fińkieviču prysud. Kali skarha budzie razhledžanaja ŭ Mahiloŭskim abłasnym sudzie, jana nia viedaje. Advakatka miarkuje, što Artur Fińkievič naŭmysna nie parušaŭ režymu adbyćcia «chimii» i nie zasłuhoŭvaje druhoha pakarańnia.
Jak pačuvajecca Artur Fińkievič, da jakoha padčas sudu vyklikali chutkuju dapamohu?
«U novaj kamery, kudy jaho pieraviali, piać čałaviek. Usie palać, tolki jon nia palić», — paviedamiła Hanna Bachcina. Pavodle jaje słovaŭ, paśla prysudu Artur Fińkievič trojčy źviartaŭsia da turemnych lekaraŭ i prymaŭ tabletki ad serca.
«A trymajecca jon vielmi mužna. Usim pieradavaŭ pryvitańni, usim siabram i znajomym. Jon vysokaha maralnaha duchu čałaviek».
