 |
Niadaŭna ŭ prodažy źjavilisia try novyja filma na DVD, jakija mohuć padacca cikavymi nia tolki amataram biełaruskamoŭnaha videa, ale i šanavalnikam biełaruskich muzyčnych hurtoŭ. Viadziecca pra filmy «Apalipsys» Meła Hibsana, «Listy ź Iŭa Dzimy» Klinta Istvuda dy «Tłum» Alechandro Hansalesa Ińjarytu z Bredam Pitam i Kejt Blanšet u hałoŭnych rolach. Sprava ŭ tym, što meniu da dyskaŭ ščodra prypraŭlenaje ŭryŭkami ź piesień biełaruskich vykanaŭcaŭ, a taksama pryvitankami i žartami muzykaŭ.
Niekatoryja ź ich byli zapisanyja admysłova: naprykład, frahment ahučki «Pirataŭ Karybaŭ» Chaconam — udzielnikam prajektu «Saša i Siroža», a taksama dva treka Lavona Volskaha: adzin vitaje amataraŭ napoju i hurtu «Krambambula», a druhi anansuje vychad apošniaha N.R.M.‑aŭskaha alboma «06». Inšyja ŭziatyja naŭprost z trekaŭ takich vykanaŭcaŭ, jak Źmicier Vajciuškievič, Alaksandar Pamidoraŭ, Saša i Siroža, Viktar Šałkievič dy jašče i ŭkrainskich «Voplaŭ Vidaplasava»!
Heta što tyčyć pryvitanak i žartaŭ. Na vyšejzhadanych DVD‑dyskach hučać frahmenty, naprykład «Padvodnaj łodki» ad N.R.M.; «Dzień naradžeńnia» ad «Krambambuli»; «Karamby» ad Garadzkija i Pita Paŭłava; «Źbirajučy liście čajnaje» ad Źmitra Vajciuškieviča dy Alaksandra Pamidorava dy inšaje. Z zamiežnych hurtoŭ na dyskach hetaksama pradstaŭlenyja łatyskija Brainstorm, amerykanskija Red Hot Chili Peppers, rasiejski «Splin».
Takim čynam, try DVD‑dyski źmiaščajuć paŭniutki miks z taho, što ŭjaŭlaje saboju sučasnaja muzyčnaja kultura Biełarusi i blizkich (a taksama nia nadta, jak u vypadku z RHCP) susiedziaŭ. Hetkaje «muzyčnaje vyčvarenstva», na dumku stvaralnikaŭ, dapamoža hledačam krychu pryŭźniać nastroj — biaz roźnicy, da albo paśla prahladu ŭłasna filmu tyja vyrašać zaniacca navihacyjaju pa meniu dy prasłuchoŭvańniem admysłova prypasienych dla ich muzyčnych kavałkaŭ. Pryčym varta zaŭvažyć, što niekatoryja ź ich byli naŭmysna «schavanyja» ad hledača, to bok zroblenyja ŭ vyhladzie «admysłovych pastak» — naprykład, naciskańnie peŭnych knopak (padkazka: najčaściej, heta knopka «Nazad» na niekatorych roŭniach meniu) pryviadzie ŭ adnym vypadku da impravizavanaha posteru hurta N.R.M. z adpaviednym aŭdyjošeraham dy abviestkaju ad spadara Volskaha i ŭ druhim vypadku — da paŭnavartasnaha posteru salistaŭ hurta «Krambambula» — znoŭ ža, pad adpaviednaje aŭdyjo. Siarod inšych cikavostak na płytach možna znajści fota z ahučki na biełaruskuju movu nastupnych filmaŭ, a taksama subtytravanyja trejlery da hetych samych filmaŭ.
Udzielniki tvorčaha zhurtavańnia «Dziŭnoty j pamaroctvy», vydaŭca biełaruskamoŭnych versijaŭ troch zhadanych filmaŭ, zadavolenyja efektam, jaki byŭ dasiahnuty hetkim noŭ‑chaŭ u vydańni DVD na Biełarusi. Nastupnyja dyski planujecca vydavać u takim samym rečyščy, azdablajučy meniu novymi tvorami ad biełaruskich vykanaŭcaŭ. Niekatoryja muzyki j aktory ŭžo majuć dla padrychtoŭki na rukach pracoŭnyja kružełki z subtytułavanymi pa‑biełarusku filmami «300 spartančukoŭ» (asnoŭny trek — «Biełaruś budzie volnaj!» — Tav.Mauzer), «Vakacyi spadara Bina» (tam całkam rulać «Saša i Siroža»), «Čornaja kotka, bieły kot» Emira Kusturycy (tyja samyja persanažy, što i ŭ papiarednim), a taksama dacki multfilm dla darosłych «Pryncesa» (tam rej viadzie Rusia i hurt Indiga) i dziciačy multfilm «Tarzan» (Źmicier Vajciuškievič dy inšyja). Aŭtary prajektu śćviardžajuć, što rychtujuć vynachodnictvy j inšaha kštałtu.
Nahadajem, što tvorčaje zhurtavańnie «Dziŭnoty j pamaroctvy» zaprasiła da pracy nad ahučkaju na biełaruskuju movu trylohii «Piraty Karybaŭ» šerah viadomych biełaruskich rok‑vykanaŭcaŭ. Na dadzieny momant niezapisanym zastaŭsia tolki adzin udzielnik ahučki — salist «Lapisaŭ». Jak tolki ŭ jaho źjavicca paru hadzinaŭ volnaha ad kancertnaha hrafiku času — adzin za adnym u śviet vyjduć doŭhačakanyja filmy pra karybskich pirataŭ pa‑biełarusku.
