Namieśnik staršyni Partyi BNF Viktar Ivaškievič, lider BSDP «NH» Mikoła Statkievič, kaardynatar «Chartyi-97» Andrej Sańnikaŭ i były palitviazień Michaił Marynič na siońniašniaj pres-kanferencyi zajavili pra stvareńnie inicyjatyvy «Eŭrapiejskaja Biełaruś».
Viktar Ivaškievič skazaŭ, što hetaja inicyjatyva stvoranaja nie ad imia čatyroch palitykaŭ, jaje taksama padtrymali i ŭ ADS. “Heta doŭhaterminovaja kampanija z metaj uvachodžańnia Biełarusi ŭ Eŭrasajuz”, – zajaviŭ V.Ivaškievič. Palityk taksama spadziajecca, što ŭ ramkach hetaj kampanii atrymajecca vybić ilhoty na atrymańnie Šenhienskich vizaŭ dla niekatorych katehoryj biełaruskich hramadzian – studentaŭ, pensijaneraŭ.
Michaił Marynič ličyć, što “Eŭrapiejski marš” 14 kastryčnika staŭ dla hramadztva znakavaj padziejaj.
«Narmalizacyja adnosin z Eŭropaj ciapier nie źjaŭlajecca prosta pustym hukam, navat dla čynoŭnikaŭ. Ułady i sam Łukašenka nieadnarazova zajaŭlali, što Biełaruś – heta častka Eŭropy. Hieahrafična – tak, ale mentalna jašče nie. U krainie nie padtrymlivajucca svaboda, pravy čałavieka, demakratyja. Biełaruś užo niekali była eŭrapiejskaj kraina, naša zadača viarnuć jaje ŭ Eŭropu», - skazaŭ M.Marynič.
Na dumku Mikoły Statkieviča, stvareńnie “Eŭrapiejskaj Biełarusi” abumoŭlena čatyrma faktarami:
«Pa-pieršaje, heta harantyja palityčnaj niezaležnaści. Pa-druhoje, atrymańnie krainaj srodkaŭ i finansavaj dapamohi, jakuju my možam atrymać albo z Rasiei, albo z ES. Pa-treciaje, adsutnaść matyvacyju dla reformaŭ biełaruskaj ekanomiki. Ustupleńnie ŭ Eŭrasajuz mahło b stać takoj matyvacyjaj. Pa-čaćviortaje, kiepski imidž biełaruskaj apazycyi, jaki treba vypraŭlać», — miarkuje M.Statkievič.
Palityk kaža, što pieršymi krokami novaj kampanii zbor valanterami podpisaŭ kiraŭnictvu ES, kab pakazać volu biełaruskaha narodu da ŭstupleńnia ŭ arhanizacyju.
Andrej Sańnikaŭ paličyŭ, što za čas kiravańnia Łukašenki ŭ Eŭrasajuz ustupiła 15 krain. “Mnohija ź ich mieli tyja ž prablemy, što i Biełaruś, ale jany z hetym spravilisia”, – kaža A.Sańnikaŭ.
Naprykancy Mikoła Statkievič zajaviŭ, što ŭ ramkach hetaj kampanii 1 traŭnia budzie praviedzienaja vuličnaja akcyja.
«25 Sakavika – heta taksama data viartańnie Biełarusi ŭ Eŭropu», — ličyć M.Statkievič.
