Što nia moža nia radavać. Raniej, prajaždžajučy miažu z mašynaj, ty pavinien byŭ prajści transpartnuju inspekcyju, zatym — naviedvańnie da mytnaj słužby ѕ zapoŭnić deklaracyju, dačakacca, pakul mytnik uviadzie jaje ŭ kamputar, razdrukuje paśviedčańnie na ŭvoz transpartnaha srodku na terytoryju Respubliki Biełarusi, paśla hetaha nadhlad pamiežnikaŭ i pašpartny kantrol. Prajaždžajučy ciapier biełaruskuju miažu, nia treba zapaŭniać mytnuju deklaracyju. Kantrol na miažy robicca ciapier chutka, aperatyŭna. Zastałasia transpartnaja inspekcyja, mytny kantrolѕ da ciabie sam padychodzić supracoŭnik u nadhladzie aŭto (biez zapaŭnieńnia ŭsialakich papieraŭ) i pašpartny kantrol. Heta ja vam apaviadaju ab prajeździe praź zialony kalidor, kali ty nia maješ dla deklaravańnia admysłovych rečaŭ. Dziakuj mytnym słužbam za takija revalucyjnyja źmieny dla ich, a dla nas mahčymaść prajechać miažu chutka, spakojna i z dobrym nastrojem.
Zasmučaje inšaje. Jak viadoma, u suviazi z pašyreńniem Šenhienskaj zony padaraželi vizy. Usie jak by i pahadzilisia z hetym. Akramia, zdajecca, zajavaŭ V.Haŭła, Ł.Vałensy, A.Kvaśnieŭskaha i starańniaŭ našaha deputata V.Stankieviča.
Kali ŭ mai 1994 h. uvodzilisia vizy, cana šmatrazovaj hadavoj vizy była $2 (dla tych, chto maje blizkich svajakoŭ). Siońnia hety košt składaje Ђ150, admianilisia biaspłatnyja vizy dla pensijaneraŭ i dla dziaciej ad 7 hadoŭ. Zastalisia 2 biaspłatnyja naviedvańni na hod na mahiły blizkich. Ja nia suprać koštu za vizu. Pakul jany ѕ niepryjemnaja realnaść dla zvyčajnych ludziej. Ale pavinien być niejki zdarovy sens pry ŭstalavańni takich koštaŭ. Ciapier davodzicca zadumacca vielmi mocna, naviedvajučy svaich baćkoŭ abo zaprašajučy ich da siabie. Nia budziem zabyvacca pra košt strachoŭki. Dla ludziej pensijnaha vieku jon, košt, ščyra kažučy, drakonaŭski.
Chodziać čutki pra pavieličeńnie pamiežnaj zony da 50 km. Tady Vilnia ŭvojdzie ŭ hetuju zonu i šmat dla kaho prablema koštu vizaŭ palahčeje. Ale heta pakul čutki. Realnych krokaŭ ani ź litoŭskaha boku, ani ź biełaruskaha nie čuvać. Moža, varta ŭ praciah «Eŭrapiejskaha maršu» abjadnać razam svaje namahańni biełaruskim demakratam i žycharam Litvy, pasprabavać razam damahacca ludzkich koštaŭ nia tolki na šmatrazovyja vizy ŭ Litvu, ale j šenhienskich vizaŭ uvohule.
