Źmicier vypraviŭsia ŭ bank na vulicu Čyrvonaarmiejskuju, kab atrymać naličanuju paśla adnaŭleńnia va ŭniversytecie stypendyju. Tut jaho j pierastreli milicyjanty specpryznačeńnia.
Moładzievaha aktyvista dastavili ŭ aporny milicejski punkt na vulicy Čyrvonaarmiejskaj, dzie abvinavacili ŭ tym, što jon nibyta skraŭ niejkija hrošy.
Na dapamohu pryjechała maci, jakaja j paviedamiła pra čarhovuju pravakacyju ŭ dačynieńni da jaje syna.
Paśla paŭtornaha adličeńnia z universytetu Źmicier apošnija dni nikudy nie vychodziŭ z pryčyny drennaha samaadčuvańnia.
Zaŭtra ranicaju jon pavinien na pozvu pryjści ŭ haradzki vajenkamat, dzie budzie kančatkova vyrašacca pytańnie ab jaho pryzyvie ŭ vojska.
Raniej na pryzyŭnoj kamisii Žaleźničenka zajaviŭ, što choča słužyć u vajskovaj čaści, dzie zahady addajuć pa‑biełarusku. I siońnia ž moładzievy aktyvist nakiravaŭ zajavu ŭ Kanstytucyjny sud z prośbaj razhledzieć na adpaviednaść Kanstytucyi pałažeńni Zakonu «Ab ahulnaj vajskovaj pavinnaści i vajskovaj słužbie», zhodna ź jakimi ŭ sałdataŭ terminovaj słužby niama prava karystacca pa ŭłasnym vybary nacyjanalnaj (biełaruskaj) movaj.
