 vuł. K.Marksa |
Pad adsialeńnie pojdzie bolš za 80 kvater. Nie pašancavała damam № 7, 9, 19, 21 pa Karła Marksa i domu № 17 pa Vaładarskaha
.
— Ja tut žyvu z 1954 hodu, — płača 85‑hadovaja Alaksandra Fiadosaŭna z 17‑ha domu. — U mianie tut dzieci naradzilisia j vyraśli, a ciapier nas niemaviedama kudy pierasialajuć…
Pavodle architekturnaha planu vulica Marksa musić stać piešachodnaj, a ŭ hetych damaz raźmieścicca trochzornaja haścinica, kazino, handlovy centar. Dom № 21a źniasuć, na jahonym miescy zrobiać stajanku.
— Nas nichto nie spytaŭ, ci chočam my pierajaždžać! — aburajecca Viktar Michajłavič. — Niaŭžo ž my pahadzilisia b jechać u hołyja ścieny na ŭskrajku horadu?!
Abureńnie žycharoŭ padmacoŭvajecca ličbami: kožny ź ich na pierajeździe stracić bolš za 100 tysiač dalaraŭ. Naprykład, u Alaksandry Fiadosaŭny trochpakajovaja kvatery ahulnaj płoščaj 110 metraŭ. Rynkavaja cana kvadratnaha metra ŭ damach pa vulicy Karła Marksa kala 3700 dalaraŭ. U Łošycy (hety spalny rajon zhadvali pierad žycharami čynoŭniki) babulcy daduć tyja samyja 110 metraŭ. Ale tut metar kaštuje 1700 dalaraŭ. U vyniku tolki Alaksandra Fiadosaŭna stracić 220 tysiač dalaraŭ!
AFICYJNA
— Što heta za piešachodnaja vulica z žycharami? Nidzie ŭ śviecie takoha niama, kab u piešachodnaj zonie chadzili ludzi j razhladali bializnu na haŭbcach! Pierasialać ludziej budziem u novabudoŭli, u jaki rajon, pakul nieviadoma. Heta budzie nie adrazu, kahości sioleta, kahości naleta, — patłumačyŭ «Kamsamołcy» dyrektar UKB Leninskaha rajonu Leanid Kazakoŭski. — Kali Mienharvykankam zaćvierdzić prajekt, pačniecca pastupovy praces adsialeńnia.
— Novyja kvatery žycharam buduć vydavać takoha ž metražu, jak i staryja.
— Tak, hetak zakładziena ŭ Žyllovym kodeksie. Albo kvatera nia mienšaj płoščy, albo hrašovaja kampensacyja. Pa jakich cenach, pakul nie skažu. Acenku kvater na hetaj vulicy my jašče nikoli nie zamaŭlali.
— A kali žychary ŭsio ž taki admoviacca pierajaždžać?
— Jość praces adsialeńnia praz sud. U Miensku štomiesiac adsialajucca dziasiatki kvateraŭ. Heta nia pieršyja i nie apošnija damy.
