Siamja huterytaŭ. Fota: BBC
Hienietyki z Univiersiteta Čykaha śćviardžajuć u časopisie Genetics, što ad blizkarodnasnych šlubaŭ krytyčnyja prablemy sa zdaroŭjem sustrakajucca nie tak časta.
Dzieci z recesiŭnymi mutacyjami, zdolnymi pryvieści da biaspłodnaści ci latalnaha vyniku, sustrakajucca tolki na 1,8% čaściej ad stryječnych brata i siastry, čym ad zvyčajnaj siamji.
Siońnia ličycca, što dzieci blizkich rodzičaŭ majuć značna bolš šancaŭ atrymać škodnyja hienietyčnyja mutacyi.
Asnoŭnaj metaj daśledavańnia było vyličeńnie siaredniaj kolkaści škodnych hienietyčnych mutacyj na čałavieka. Dziela hetaha hienietyki praanalizavali hieny relihijnaj abščyny huterytaŭ z Paŭdniovaj Dakoty — usie 1642 čałavieki jość pramymi naščadkami 64 zasnavalnikaŭ abščyny. Z dapamohaj kampjutarnaj simulacyi navukoŭcy vyličyli, ź jakoj imaviernaściu mutacyja ŭ hienach adnoha z zasnavalnikaŭ abščyny pryviadzie da hienietyčnych zachvorvańniaŭ naščadkaŭ.
