Premjer-ministry troch Bałtyjskich krain prosiać kiraŭnictva Jeŭrakamisii i Polščy znajści rašeńnie ab finansavańni prajekta hazavaj zmyčki pamiž Litvoj i Polščaj z fondaŭ ES.
Try premjery ŭ piatnicu źviarnulisia ź listom da staršyni Jeŭrakamisii Žan-Kłoda Junkiery i premjera Polščy Evy Kopač, pieradaje Delfi.ee.
Polšča, jak paviedamlajuć krynicy, chacieła b, kab inšyja krainy kampiensavali joj bolš vydatkaŭ na prajekt.
«My damovilisia pra list z premjerami Łatvii i Estonii 10 krasavika padčas sustrečy ŭ Vilniusie premjer-ministraŭ Bałtyjskaha savieta ministraŭ. My spadziajemsia, što premjer-ministr Polščy źviernie ŭvahu na finansavańnie važnaha dla ŭsich čatyroch krain prajekta», — skazaŭ litoŭski premjer Alhirdas Butkiavičus.
Pa słovach pres-sakratara premjera Evieliny Butkucie-Łazdaŭskienie, rašeńnie ab finansavańni zmyčki pavinna być pryniata da 17 maja.
Prajektu hazapravoda pamiž Litvoj i Polščaj praciahłaściu 534 km JEK u kastryčniku minułaha hoda nadała pryjarytetny status.
