 |
Takija vyniki apytańnia Infarmacyjna‑analityčnaha centru pry Administracyi prezydenta Biełarusi raspaŭsiudziła dziaržaŭnaje ahienctva akurat paśla viartańnia Łukašenki z Sočy.
"Apytańnie pakazała, što značnaja častka biełarusaŭ źviazvaje palapšeńnie sacyjalna-ekanamičnaj sytuacyi ŭ krainie z pašyreńniem suviaziaŭ z Zachadam. Hetak, kolkaść žycharoŭ Biełarusi, jakija ličać, što dla palapšeńnia sacyjalna-ekanamičnaj sytuacyi ŭ krainie kaniečnie pašyryć ekanamičnyja suviazi z zachodnimi dziaržavami, składaje 27,4 %", paviedamlaje BIEŁTA.
Zhodna z vynikami taho ž apytańnia, za ŭvachodžańnie Biełarusi ŭ skład Rasiei vykazalisia ŭsiaho 3,4 pracenta respandentaŭ.
Bolšaść respandentaŭ (43,7 pracenta) ličać, što respublika pavinna być niezaležnaj dziaržavaj i budavać svaje adnosiny z Rasijaj na asnovie mižnarodnych dahavoraŭ. Jašče 42,2 pracenta biełarusaŭ bačać budučaje Biełarusi i Rasii ŭ pabudovie adnosinaŭ pa pryncypie raŭnapraŭnaha sajuzu dźviuch dziaržavaŭ sa stvareńniem nadnacyjanalnych orhanaŭ kiravańnia.
IAC uznačalvaje panižany ŭ ranhu były hałoŭny ideolah Aleh Pralaskoŭski. Instytut absłuhoŭvaje prapahandyscki aparat krainy.
