Piatro Mikłaševič |
Ryhor Vasilevič |
Nahadajem, što Ryhor Vasilevič byŭ vyzvaleny ad pasady staršyni Kanstytucyjnaha sudu 11 studzienia. Aficyjnaja traktoŭka «ŭ suviazi z zaviaršeńniem terminu paŭnamoctvaŭ i vychadam u adstaŭku». Niekatoryja analityki mierkavali, što miesca Vasileviča mahła zaniać namieśnica kiraŭnika Administracyi prezydenta Natalla Piatkievič. Sam Vasilevič paśla adstaŭki abmiežavaŭsia ad kantaktaŭ z presaj, admaŭlajučy ŭ interviju.
Cikava, što siońnia A.Łukašenka pryniaŭ z dakładam Piatra Mikłaševiča. Ciapier užo były hieneralny prakuror prainfarmavaŭ kiraŭnika dziaržavy «ab vynikach dziejnaści prakuratury pa ŭmacavańni pravaparadku i zakonnaści ŭ 2007 hodzie».
Pa vynikach hetaj sustrečy ź ciažkaściu možna było b skazać, što praz paru hadzin Mikłaševič pierastanie zajmać kresła hienprakurora. Łukašenka pastaviŭ pierad Mikłaševičam zadaču aktyvizavać sioleta pracu pravaachoŭnych orhanaŭ pa raskryćci złačynnaści, a taksama zapatrabavaŭ «pryniać vyčarpalnyja i svoječasovyja zachady pa pavyšeńni kaardynujučaj roli prakuratury i ŭ baraćbie sa złačynnaściu i karupcyjaj». Mikłaševiču byŭ addadzieny jašče šerah rasparadžeńniaŭ, ale mienavita jak Hieneralnamu prakuroru.
Varta adznačyć, što čutki ab tym, što Piotar Mikłaševič prosicca ŭ adstaŭku z pasady hienprakurora, chadzili ŭžo dosyć daŭno. Razam z tym, na apošniaj svajoj pres‑kanferencyi 16 studzienia Mikłaševič, adkazvajučy na pytańnie ab mahčymaj adstaŭki z pasady, rašuča skazaŭ: «Heta niapraŭda».
***
Piatro Mikłaševič naradziŭsia ŭ 1954 h. u Kasucie na Vialejščynie. Skončyŭ BDU, pracavaŭ sudździom Homielskaha abłasnoha suda, pieršym namieśnikam ministra justycyi, pieršym namieśnikam staršyni Viarchoŭnaha sudu (1999-2004). Pasadu hieneralnaha prakurora zajmaŭ z 29 listapada 2004 h.
Ryhor Vasilevič naradziŭsia 13 lutaha 1955 h. u Miensku, skončyŭ BDU (1980), doktar jurydyčnych navuk (1994). Člen Kanstytucyjnaha suda z 1994 h. U čas pracy pieršaha składu KS (1994--1996) šmat razoŭ vykazvaŭ niazhodu z pazycyjaj jaho staršyni Valera Cichini. Z 13 studzienia 1997 h. -- staršynia Kanstytucyjnaha suda.