Pavodle pastanovy, padpisanaj staršyniom rajvykankamu Michaiłam Anikiejevym, u rajonie aficyjna vychodziać try hazety, jakija całkam zabiaśpiečvajuć nasielnictva infarmacyjaj.
Rajvykankam zarehistravaŭ aktyvista indyvidualnym pradprymalnikam z pravam zajmacca reklamnaj dziejnaściu dy handlem, adnak nie zaćvierdziŭ jašče adnaho vidu dziejnaści — vydańnia hazet.
«Jany viedajuć mianie jak aktyvista partyi BNF, jany viedajuć mianie jak aktyvista ruchu «Za svabodu». I jak naahuł čałavieka z demakratyčnymi pohladami, a z demakratami jany ciapier zmahajucca ŭsimi sposabami. Jany razumiejuć, što pisać pra ŭradžai i nadoi ja nia budu. Ja budu pisać pra toje, što baču. Heta adzin z maich pryncypaŭ. Im nie patrebnaja praŭda», — hetak prakamentavaŭ «Svabodzie» pazycyju rajvykankamu Eduard Brokaraŭ.
Eduard Brokaraŭ vydaje ŭ Horkach hazety «Ŭzhorak» dy «Horacki vybar», a taksama redahuje hazetu abłasnoj kaalicyi demakratyčnych siłaŭ Mahiloŭščyny «Vybar».