Charaktar vystaŭlenaha A.Baroŭskamu abvinavačańnia ab\javiŭ dziaržaŭny abvinavaŭca Siarhiej Cielaževič. Abvinavačańnie śćviardžaje, što 23 sakavika 2007 hoda A.Baroŭski, vykarystaŭšy svajo stanovišča, daŭ ukazańni hienieralnamu dyrektaru AAT «Naftan» i svajmu namieśniku admovicca ad zaklučeńnia kantrakta na pastaŭku na biełaruskija pradpryjemstvy rasijskaj kampanijaj «TNK» 80 tysiač ton nafty marki «lohkaja» pa canie 330 dołaraŭ za tonu biez PDK. Dziejańni Baroŭskaha abvinavačańnie rasceńvaje jak zroblenyja ŭ intaresach adnaho ź biełaruskich kamiercyjnych pradpryjemstvaŭ.
Abvinavačańnie kanstatuje, što ŭ vyniku ŭmiašańnia A.Baroŭskaha ŭ haspadarčuju dziejnaść «Naftana» pradpryjemstva było vymušana 28 sakavika zakupić 80 tysiač ton «lohkaj» nafty ŭ dvuch biełaruskich kamiercyjnych pradpryjemstvaŭ pa 350 dołaraŭ za tonu biez PDK — na 20 dołaraŭ daražej, čym u «TNK».
Dla apłaty vuhlevadarodnaj syraviny «Naftan» pryciahnuŭ kredyty i pieraličyŭ na rachunak dvuch biełaruskich TAA 28 młn dołaraŭ, što na 1,6 młn. bolš, čym mahło być pa pramym kantrakcie z «TNK». Pa stanie na 28 sakavika 2007 hoda heta składaje 3 młrd. 428 młn. 800 tys. rubloŭ.
Vinu A.Baroŭski nie pryznaŭ «u poŭnym ab\jomie».
Paśla hetaha sud pačaŭ daśledavańnie dokazaŭ pa spravie. Sudździa vyrašyŭ, što spačatku budzie dapytany abvinavačany, zatym daśledavany piśmovyja materyjały spravy, jakija adnościacca da fanahramy prasłuchanych razmoŭ z udziełam byłoha kiraŭnika «Biełnaftachima», paśla budzie praviedzieny dopyt śviedkaŭ i h.d.
