Łukašenka daŭ zhodu na adkryćcio pradstaŭnictva Eŭrakamisii
Padpisać pahadnieńnie miž Biełaruśsiu i Eŭrakamisijaj musić namieśnik ministra zamiežnych spravaŭ Valery Varaniecki.
A.Łukašenka siońnia ŭchvaliŭ ukaz ab adkryćci ŭ Miensku aficyjnaha pradstaŭnictva Eŭrakamisii. Padpisać pahadnieńnie miž Biełaruśsiu i Eŭrakamisijaj musić namieśnik ministra zamiežnych spravaŭ Valery Varaniecki, paviedamlaje pres‑słužba kiraŭnika dziaržavy.
Z prośbaj ab adkryćci svajho pradstaŭnictva Eŭrakamisija źviarnułasia da biełaruskaha kiraŭnictva jašče ŭ pačatku 2006 hodu, ale sprava atrymała impuls tolki letaś.
Uvieś hety čas intaresy Eŭrakamisii ŭ Biełarusi vykonvała pradstaŭnictva hetaj arhanizacyi va Ŭkrainie, raźmieščanaje ŭ Kijevie.