Trubaprovad naležyć pradpryjemstu «Zachad‑Transnaftapradukt» AAT «Transnaftapradukt» (Rasieja). Pa słovach pres‑sakratara MNS Vitala Navickaha, infarmacyja pra zdareńnie pastupiła ranicaj 14 lutaha. Na 422‑m kilametry mahistrali (Rečycki rajon Homielskaj vobłaści), na hłybini metra, adbyŭsia praryŭ. Dla likvidacyi nastupstvaŭ avaryi było zadziejničana bolš za 20 adzinak techniki MNS i avaryjnaj słužby pradpryjemstva. «U 11.30 nastupstvy praryva byli lakalizavanyja, pahrozy traplańnia naftapraduktaŭ u vodnyja arteryi niama», — paviedamiŭ V.Navicki. Pryčyny i abstaviny zdareńnia vyśviatlajucca, na miescy pracuje rajonnaja kamisija pa NS.
Heta ŭžo treciaja za apošni hod avaryja na trubaprovadach kampanii «Zachadtransnaftapradukt». Pieršaja adbyłasia 23 sakavika 2007 hodu na naftapravodzie «Unieča‑Vienstpiłs» u Biešankovickim rajonie Viciebskaj vobłaści. Adbyŭsia vyciek kala 120 tonaŭ dyzpaliva. Jano patrapiła ŭ raku Ułu — prytok Dźviny, a adtul u Dźvinu. Mazuta dasiahnuła terytoryi Łatvii, jakaja paźniej vykazała ŭ adras Biełarusi finansavyja pretenzii.
Druhaja avaryja zdaryłasia 5 traŭnia taho ž hodu taksama ŭ Biešankovickim rajonie kala vioski Babajedava. Abjom vycieku skłaŭ kala 5 tonaŭ mazutu.
U jakaści kampensacyi za naniesienuju škodu Biełaruś atrymała ad «Zachad‑Transnaftapraduktu» $7 młn.
