 |
Nahadajem, što napiaredadni akcyi pradprymalnikaŭ 21 studzienia Franak Viačorka byŭ zatrymany la budynku Centralnaha RUUS Miensku, kudy prychodziŭ padtrymać svaich paplečnikaŭ. Franaka asudzili na 15 sutak aryštu, jakija jon pravioŭ u specpryjomniku na Akreścina. Za hety čas Viačorka prapuściŭ dva ispyty ŭ VNU.
«Siońnia dekan Dubavik paviedamiŭ, što zahadam prarektara ŭniversytetu ja adličany za «akademičnuju niepaśpiachovaść». Kali ja zapytaŭsia ŭ dekanu, jak tak atrymałasia, jon pacisnuŭ plačyma i skazaŭ: «Nu voś tak atrymałasia». Ja zrazumieŭ, što rašeńnie ab maim adličeńni prymaŭ nia jon. Ja źviazvaju svajo adličeńnie ź niadaŭnim pryjezdam na žurfak Łukašenki. Jon zajaviŭ pra novaje bačańnie žurnalistyki i pracy fakultetu, jak bačym, ja ŭ hetaje bačańnie nie ŭpisaŭsia. U paniadziełak budu padavać u sud ab niezakonnym rašeńni prarektara. Budu, jak zmahu, inicyjavać studenckija akcyi salidarnaści. Taksama treba zadumacca pra svoj dalejšy žyćciovy los, dzie i jakim čynam praciahnuć vučobu. U inšym vypadku, mahu pajści ŭ vojska, jak Źmicier Žaleźničenka. Mahčymaść navučańnia za miažoj razhladaju ŭ apošniuju čarhu», – kaža F.Viačorka.
Franak nia pieršy student, jakoha adličyli sioleta za aryšty. Ź injazu vyhnali Antona Kalinoŭskaha i Hannu Miadźviedzievu, a z Akademii fizvychavańnia – Tacianu Ciškievič.
