Jon adznačyŭ, što suma škody budzie vyznačana tolki paśla poŭnaj likvidacyi nastupstvaŭ avaryi. Hetym zajmajucca specyjalisty Minpryrody, jakija vyvučajuć, nakolki zabrudžana hleba, vada i pavietra na miescy zdareńnia. Paśla abahulnieńnia dadzienych manitorynhu, u adpaviednaści z zakonam rasiejskamu pradpryjemstvu budzie pradjaŭleny pazoŭ. Na miescy avaryi znachodzicca taksama pradstaŭnik «Zachad‑Transnaftapraduktu», jaki prymaje ŭdzieł u manitorynhu navakolnaha asiarodździa.
Pavodle słoŭ Alaksandra Apackaha, pieršapačatkovyja daśledavańni pakazali, što bolš za ŭsio ad uciečki naftapraduktaŭ na miescy avaryi paciarpieŭ pojmienny vadajom. Dziakujučy aperatyŭnamu ŭźviadzieńniu piasčanych dambaŭ udałosia praduchilić zabrudžvańnie Dniapra.
Nahadajem, što ŭčora na 422‑m kilametry mahistrali (Rečycki rajon Homielskaj vobłaści), na hłybini metra, adbyŭsia praryŭ. U vyniku avaryi abjom vycieku dyzpaliva skłaŭ kala 70 kub.m na płoščy 100 kv.m.
Heta ŭžo treciaja za apošni hod avaryja na trubaprovadach kampanii «Zachadtransnaftapradukt». Pieršaja adbyłasia 23 sakavika 2007 hodu na naftapravodzie «Unieča‑Vienstpiłs» u Biešankovickim rajonie Viciebskaj vobłaści. Adbyŭsia vyciek kala 120 tonaŭ dyzpaliva. Jano patrapiła ŭ raku Ułu — prytok Dźviny, a adtul u Dźvinu. Mazuta dasiahnuła terytoryi Łatvii, jakaja paźniej vykazała ŭ adras Biełarusi finansavyja pretenzii.
Druhaja avaryja zdaryłasia 5 traŭnia taho ž hodu taksama ŭ Biešankovickim rajonie kala vioski Babajedava. Abjom vycieku skłaŭ kala 5 tonaŭ mazutu.
U jakaści kampensacyi za naniesienuju škodu Biełaruś atrymała ad «ZachadTransnaftapraduktu» $7 młn.
