 Uładzimier Zdanovič |
Deputaty padrychtavali zakonaprajekt «Ab Praviłach biełaruskaj arfahrafii i punktuacyi» da razhladu ŭ druhim čytańni. Ab hetym u intervju BiełaPAN paviedamiŭ staršynia kamisii pa adukacyi, kultury, navucy i navukova‑techničnym prahresie Pałaty pradstaŭnikoŭ Uładzimir Zdanovič.
«26 lutaha my zaviaršyli poŭnaściu rabotu nad padrychtoŭkaj zakonaprajekta da druhoha čytańnia. 28 lutaha jon budzie razdrukavany i razdadzieny členam rabočaj hrupy, kab jany vyvieryli kožnaje słova i kosku, praviali redakcyjnaje vypraŭleńnie. Z takim ulikam, kab 4 sakavika zakonaprajekt byŭ nakiravany na ŭzhadnieńnie ŭ Saviet ministraŭ», — zaznačyŭ U.Zdanovič.
Pavodle jaho słoŭ, «u zakonaprajekcie adbyłosia adno istotnaje źmianieńnie». «Raniej treci punkt prajekta zakona havaryŭ: «Dziaržaŭnyja orhany, hramadskija abjadnańni, arhanizacyi, a taksama hramadzianie Respubliki Biełaruś pry vykarystańni biełaruskaj movy ŭ aficyjnych znosinach pavinny kiravacca praviłami arfahrafii i punktuacyi». Paśla pasiadžeńnia kamisii bolšaść deputataŭ zrabiła vysnovu, što z hetaj normy nieabchodna vyklučyć słovy «ŭ aficyjnych znosinach». Atrymlivajecca, što ŭsie va ŭsich vypadkach pry karystańni biełaruskaj movaj pavinny kiravacca pryniatymi praviłami», — paviedamiŭ staršynia parłamienckaj kamisii.
«My pryjšli da vysnovy, što składana padzialić aficyjnaje i nieaficyjnaje ŭžyvańnie. Heta tonkija paniaćci, pamiž imi dakładnaha raźmiežavańnia niama. Pa‑druhoje, kali buduć karystacca biełaruskaj movaj, uličvajučy praviły, to heta budzie aznačać, što pašyrajecca śfiera ŭžyvańnia narmatyŭnaj biełaruskaj movy», — ličyć deputat.
U.Zdanovič paviedamiŭ, što «nichto ludziej karać za niapravilna skazanaje słova nie budzie». «Ale kali, naprykład, rychtuješ rekłamu (heta nie zusim aficyjnaje ŭžyvańnie), to treba karystacca praviłami. Haziety taksama buduć abaviazanyja karystacca biełaruskaj movaj. Mahu vykazać im tolki spačuvańnie. Jość dva vydańni («Naša niva» i «Arche»), jakija vykarystoŭvajuć «taraškievicu», ale paśla nabyćcia mocy zakonam jany pavinny buduć kiravacca zaćvierdžanymi praviłami», — skazaŭ jon.
Deputat taksama paviedamiŭ, što płanujecca raspracoŭka zakona ab interniecie. «Dumaju, novyja praviły biełaruskaj arfahrafii i punktuacyi niejkim čynam buduć raspaŭsiudžvacca i na interniet», — zaznačyŭ jon.
