28 lutaha a 16‑j u Nacyjanalnaj biblijatecy Biełarusi ŭ halerei «Łabirynt» adbuducca mierapryjemstvy, pryśviečanyja 400‑j hadavinie pamiaci dabraviernaha kniazia K.K. Astrožskaha (1524—1608). U prahramie: adkryćcio vystaŭki ŭ muziei knihi «Aśvietnik z rodu Astrožskich», a taksama prezientacyja elektronnaha vydańnia «Słuckaje Jevanhielle — biełaruski rukapis XVIst.».
Kanstancin Kanstancinavič Astrožski — pradstaŭnik adnaho z samych viadomych i znakamitych mahnackich rodaŭ Vialikaha kniastva Litoŭskaha. Jon uvajšoŭ u historyju nie tolki jak vydatny dziaržaŭny i carkoŭny dziejač, ale i jak aśvietnik, zasnavalnik astrožskaj škoły i drukarni. Na vystaŭcy «Aśvietnik z rodu Astrožskich» demanstrujucca vydańni kanca ChIX — pačatku XX st., pryśviečanyja historyi roda kniazioŭ Astrožskich; staradrukavanyja kiryličnyja knihi, što vyjšli ŭ śviet z Astrožskaj i inšych ukrainskich drukarniaŭ ChVI—XVIII stst. Siarod knižnych pomnikaŭ, pradstaŭlenych u ekspazicyi, asablivaje miesca zajmaje Astrožskaja Biblija (1581) — pieršy poŭny pierakład Biblii na carkoŭnasłavianskuju movu.
U ramkach mierapryjemstva taksama adbudziecca prezientacyja elektronnaha vydańnia «Słuckaje Jevanhielle — biełaruski rukapis XVI st.». Heta vydańnie — vynik navukovaha daśledavańnia unikalnaha pomnika XVI st. — Jevanhiella, jakoje było pierapisana ŭ 1581 h. słuckim kniaziem Juryjem Alelkavičam. Da revalucyi rukapis zachoŭvaŭsia ŭ Śviata‑Troickim mužčynskim manastyry ŭ Słucku, adkul byŭ pieradadzieny ŭ Dziaržaŭny histaryčny muziej. U pačatku Druhoj suśvietnaj vajny jon byŭ vyviezieny z mahiloŭskaha muzieja i biasśledna źnik razam ź inšymi kaštoŭnaściami (u t. ł. Kryžom Jeŭfrasińni Połackaj). Doŭhi čas rukapis ličyŭsia stračanym. U 2003 h. u čas praviadzieńnia 10‑ch Minskich jeparchijalnych čytańniaŭ Mitrapalit Minski i Słucki Fiłaret, Patryjaršy Ekzarch usiaje Biełarusi pradstaviŭ udzielnikam Jevanhielle, jakoje cudam zachavałasia. Rukapis byŭ pieradadzieny śviaščeńniku Minskaj jeparchii prychadžankaj, i zaraz znachodzicca ŭ Damavym chramie ŭ honar Sabora biełaruskich śviatych.
Nacyjanalnaja biblijateka Biełarusi vystupiła ź inicyjatyvaj stvareńnia elektronnaj kopii Słuckaha Jevanhiella. U 2004—2006 hh. byŭ ažyćcioŭleny navukovy prajekt pa daśledavańniu pomnika, jaki pravodziŭsia sumiesna ź Instytutam movaznaŭstva imia Ja. Kołasa NAN Biełarusi na srodki Biełaruskaha respublikanskaha fondu fundamientalnych daśledavańniaŭ. U 2008 h. stvorany SD‑ROM z paŭnatekstavaj elektronnaj kopijaj, tranślitaracyjaj tiekstu, kodyka‑paleahrafičnym apisańniem i kompleksnym linhvistyčnym analizam nacyjanalnaha rukapisnaha pomnika.
Unikalny rukapisny pomnik XVI st. — Słuckaje Jevanhielle — budzie demanstravacca ŭ muziei knihi z 28 lutaha pa 15 sakavika.
Vystaŭka «Aśvietnik z rodu Astrožskich» budzie pracavać da maja 2008 h.
Teł. dla daviedak (8017)293‑27‑67; e‑mail: [email protected]
