 |
Hienieralny dyrektar A‑ONE u Biełarusi Aleh Skarabahaty kaža:
‑ My nie mahli nie zacikavicca takim mierapryjemstvam, jak «Rok‑Karanacyja», bo heta muzyka — asnova našaha muzyčnaha viaščańnia.
Jak paviedamiŭ jaho namieśnik Siarhiej Kuryłovič, jany vyrašyli ŭznaharodzić adzin ź biełaruskich hurtoŭ admysłovym pryzom — abranamu vykanaŭcu budzie ŭručany adpaviedny siertyfikat, jaki harantuje prasoŭvańnie i ščylnuju ratacyju jaho videa na telekanale A‑ONE.
Poŭnaja nazva kanału A‑ONE hučyć, jak Pieršy alternatyŭny muzyčny kanał. Sa słoŭ kiraŭnictva kanału, jon byŭ stvorany kab «prademanstravać Vialikuju Chvalu supracivu adnastajnaści, manafarmatnaści i prymityvu». Viaščańnie A‑ONE ŭ Rasii raspačałosia paraŭnalna niadaŭna — u 2005 hodzie, a svoj vychad u eter telekanał adznačyŭ uručeńniem premii RAMP (Rock Alternative Music Prize), jakaja stała adnoj z hałoŭnych padziejaŭ u rasijskaj muzycy. U roznyja hady haściami hetaj cyrymonii byli takija vykanaŭcy,iak Korn, Stone Sour, Marylin Manson. A na apošniaj premii ŭ Maskvie siarod pieramožcaŭ premii akazalisia i biełarusy — u naminacyi «Klip hodu» było adznačana videa Alaksieja Cierachava na pieśniu «Kapitał».
Kiraŭnictva tolki stvoranaha biełaruskaha pradstaŭnictva A‑ONE ličyć «Rok‑Karanacyju» znakavaj padziejaj.
‑ My rady, što ŭrešcie sioleta ŭsie lepšyja biełaruskija hurty vystupiać na adnoj scenie.
Mienavita na A‑ONE možna budzie pabačyć televiersiju cyrymonii «Rok‑Karanacyja‑2007».
