Učora adbyłasia takaja značnaja padzieja ŭ katalikoŭ, jak telemost z Vatykanam. Jak paviedamlajecca, maładyja ludzi paśla zakančeńnia telemostu zastalisia malicca ŭ sabory usiu noč… Ab roznym jany prasili Boha. Siarod kłopataŭ katalickaj moładzi, jak paviedamlaje partał catholic.by, jość i pažadańnie, jak“paŭnacenna žyć vieraju ŭ svaich navučalnych ustanovach, kab pieratvarać ich u asiarodki adkrytaha abmienu dumkami na temu viery i rozumu, a taksama ekumeničnaha dyjaloh pamiž katalikami i pravasłaŭnymi, jaki moža być asabliva plonnym mienavita ŭ Biełarusi, dzie zdaŭna suisnujuć Uschodniaja i Zachodniaja chryścijanskija tradycyi”.
I nia tolki moładź… Mitrapalit Tadevuš Kandrusievič pastajanna paŭtaraje, što siarod jahonych pryjarytetaŭ adzin z samych hałoŭnych – pašyreńnie supracoŭnictva i uzajemaparazumieńnia z pravasłaŭnaj carkvoj. Jak da hetaha padstupicca? Pakul nia bačna ničoha bolš, jak supracoŭnictva ŭ halinie ŚNIDU… Jano, kaniešnie, važnaja prablema, ale mnie nie zdajecca vielmi perspektyŭnym hety napramak… Tolki što pa pryncypu “lepš što-niebudź, čym ničoha”…
A miž inšym nibyta Sam Boh padkazvaje, z čaho lepš pačynać… Siońnia, adrazu paśla katalickaha telemostu, pravasłaŭnaja carkva šanuje pamiać śviatoha Lva Vialikaha, papy Rymskaha.
Viadoma, što pierš za usio pravasłaŭnyje šanujuć śviatoha Lva za jahonuju važnuju rolu ŭ pieramozie nad jeraśsiu manafizyctva ŭ 5-m stahodździ. Ale, ź inšaha boku, kataliki jaho viedajuć jak adnaho ź pieršych ajcoŭ Carkvy, chto sfarmulavaŭ vučeńnie ab prymacie Rymskaj carkvy… Jak raz adno z samych balučych, kali nia samaje balučaje pytańnie pravasłaŭna-katalickaha dyjaloh… I moža, kali na jaho pahladzieć z punktu hledžańnia ahulnaha śviatoha, budzie bolš šansaŭ znajści niešta ahulnaje, ŭzajemaparazumiełaje i ŭ hetym pytańni?
I takich ahulnych śviatych šmat – adzinaja carkva isnavała na praciahu cełaha tysiačahodździa. Voś z hetaha, zdajecca, i treba pačynać – z ahulnych śviatych, z ahulnaj śviataści…
