 |
Pavodle jaho słoŭ, miakkaja zima i adsutnaść śniehu dajuć mahčymaść ptuškam dačasna viarnucca damoŭ ź miescaŭ zimovak u Zachodniaj Francyi. Tak, sioleta da kanca lutaha knihaŭki byli zaŭvažany ŭžo ŭ Staradarožskim rajonie Minskaj vobłaści i Brasłaŭskim rajonie Viciebskaj vobłaści (u 2007 hodzie — 19 sakavika, a ŭ 2006-m — 23 sakavika).
R.Šajkin nahadaŭ, što ŭ 2005 hodzie knihaŭka była ab\jaŭlena ptuškaj hoda. I choć pakul hety vid raspaŭsiudžany na terytoryi Biełarusi (usiaho naličvajecca 100—160 tysiač par), adnak kolkaść jaho pastupova skaračajecca ŭ mnohich jeŭrapiejskich krainach. Na dumku śpiecyjalista, heta źviazana sa źniknieńniem miescaŭ pražyvańnia knihaŭki, i da hetaj prablemy nieabchodna pryciahnuć uvahu hramadskaści. Tak, pa vynikach akcyj 2005 hoda byli znojdzieny novyja kałonii kulika, i ciapier školniki — členy kłuba "Kryłaty dazor" — nie tolki nazirajuć za ptuškami, ale i ažyćciaŭlajuć zachady, nakiravanyja na zachavańnie miescaŭ ich pražyvańnia.
Śpiecyjalist zaznačyŭ, što ŭ mnohich rajonach Biełarusi ŭžo zaŭvažany i niekatoryja inšyja pieralotnyja ptuški — humieńniki, šeryja husi, palavyja žavaranki; chutka prylaciać biełyja sitaŭki i bieraścianki.
