 |
«Kali ja jaho ŭbačyła, to ździviłasia, jak jon źmianiŭsia! Łysy, bledny, schudnieły. Ale hałoŭnaje, ŭ Andreja zusim inšy pozirk, jon staŭ bolš mužnym i surjoznym, — kaža maci Andreja. — Syn skazaŭ mnie na spatkańni, što źbiraŭsia haładać, kab Kazulina vypuścili na pachavańnie. (...) Nie pryjšłosia. Ale jon kaža, što hatovy na ŭsio».
Andrej dziakuje ŭsim, chto dasyłaŭ jamu listy i paštoŭki. Viaźnia padtrymali ludzi z roznych krain śvietu, čym jon pryjemna ździŭleny. Zaraz Andrej bolšuju častku času čytaje Bibliju i adkazvaje na listy. Pavodle słovaŭ maci, jon vinšuje biełarusaŭ sa śviatam — 90‑hodździa BNR.
Nahadajem, što kryminalnaja sprava na Andreja Kima była zaviedzienaja pavodle art. 364 KK RB («hvałt, albo pahroza hvałtu ŭ adnosinach da rabotnika milicyi»). Nibyta Andrej Kim padčas mitynhu pradprymalnikaŭ 21 studzienia ŭdaryŭ supracoŭnika DAI kułakom u tvar i raśsiek tamu bryvo da kryvi. Andrej aznajomiŭsia z materyjałami spravy, i nieŭzabavie jana budzie pieradadziena ŭ sud. A. Kimu pahražaje da šaści hadoŭ pazbaŭleńnia voli.
