Parlament Paŭdniovaj Asiecii źviarnuŭsia da Hieneralnaha sakratara AAN, prezydenta j parlamentu Rasiei, a taksama da kiraŭnikoŭ dziaržaŭ i parlamentaŭ SND i Eŭraźviazu z prośbaj pryznać niezaležnaść respubliki. Prośba abhrunatavanaja ahulnapryznanym pravam narodu na samastanaŭleńnie. Aŭtary dakumentu pryvodziać taksama precedent Kosava, jak prykład vyrašeńnia rehijanalnych kanfliktaŭ biez zachavańnia terytaryjalnaj cełaści.
Paŭdniovaja Asiecija była aŭtanomnaj u składzie Hruzinskaj SSR. Paśla raspadu Savieckaha Sajuzu Asiecija abvieściła niezaležnaść ad Tbilisi. Hetaja kaŭkaskaja respublika naličvaje 100 tys. žycharoŭ, bolšaść ź ich maje rasiejskaje hramadzianstva j karystajecca rasiejskim rublom u jakaści nacyjanalnaj valuty. Hruzija nie pryznaje niezaležnaści Paŭdniovaj Asiecii.