Hetym razam Centralnaja rada arhanizacyi prachodziła ŭ staličnym mikrarajonie Sierabranka na ofisie Biełaruskaha kanhresu demakratyčnych prafsajuzaŭ (BKDP).
Zatrymanyja 32 čałavieki: siarod ich Źmicier Daškievič, Źmicier Chviedaruk, Artur Fińkievič, Nasta Pałažanka. Specnaz uvarvaŭsia ŭ ofis BKDP niedzie a 13.30
Paŭłu Sieviaryncu, jaki prysutničaŭ na Centralnaj Radzie, udałosia paźbiehnuć aryštu.
Ciapier maładafrontaŭcy znachodziacca ŭ RUUS Leninskaha rajonu stalicy. Zrešty jany aptymistyčna hladziać na svajo zatrymańnie. Da 25 sakavika zastajecca bolš čym 15 sutak.
«Chiba ŭ ahulnanacyjanalnaj dyktoŭcy nie paŭdzielničajem dy katalicka-pratestancki Vialikdzień [23 sakavika] adśviatkujem na Akreścina», — žartujuć jany.
Nahadajem, što papiaredniaje masavaje zatrymańnie siabraŭ Centralnaj Rady MF adbyłosia 16 lutaha. Tady na pryvatnaj kvatery ŭ v. Zajamačnaje, što na ŭschod ad Miensku, byli zatrymanyja kala 30 čałaviek. Paśla niekalkich hadzin utrymańnia ŭ RUUS Mienskaha rajonu tady ŭsie byli adpuščanyja biez składańnia pratakołaŭ.
16:55 Usich, aproč Arcioma Dubskaha, adpuścili. Arciom ža prachodzić jak abvinavačany pa spravie ab masavych biesparadkach 10 studzienia. Jaho pavieźli ŭ śledčy izalatar Mienharvykankamu.
Paźniej stała viadoma, što Arcioma Dubskaha dapytali jak abvinavačanaha i adpuścili viečaram 9 sakavika.