 |
Jak skazaŭ ministar Navumaŭ, heta budzie vyrašana paśla pravierki, jakuju zaraz viaduć u viedamstvie. Pry hetym Uładzimier Navumaŭ nia vyklučyŭ i taho, što źviestki pra incydent «skažonyja peŭnymi medyjami».
«Pakolki inicyjataram «źlivu» infarmacyi pra incydent staŭ były supracoŭnik milicyi, zvolnieny ŭ suviazi z raśśledavańniem karupcyjnaj spravy, jość padstavy nie daviarać niekatorym zajavam», — zajaviŭ Uładzimier Navumaŭ. Proźvišča hetaha byłoha supracoŭnika, adnak, ministar nie nazvaŭ.
«My ni z kim nie kantaktavali, a źviarnulisia tolki ŭ hazetu «Avtobiźnies‑weekly». Tam nam paraili advakata Vieru Stramkoŭskuju z Centru pravoŭ čałavieka. Paśla kansultacyj ź joju my napisali skarhu ŭ prakuraturu Miensku», — paviedamiŭ Alaksiej Bieraśnieŭ, jaki byŭ u adnym z paciarpiełych aŭtamabilaŭ. Pavodle śviedak, heta Alaksiej Bieraśnieŭ svaim vohnietušycielem dapamoh patušyć aŭtamabil, jaki ŭčyniŭ avaryju.
