Ich budzie jak minimum piać.
Siońnia ŭ mienskim R-Clubje prajšoŭ pieršy z seryi «raźvitalnych kancertaŭ» N.R.M. Jak zvyčajna, kancert byŭ anšlahavym, kvitki raskupili zahadzia. Dźvie hadziny zala tresłasia ad muzyki, fanaty śpiavali ŭsie pieśni na pamiać.
Nakont taho, ci heta było raźvitańnie tolki ź zimoj, ci ŭsio ž i z samim hurtom, peŭnaści niama navat u muzykaŭ. Hitaryst Pit Paŭłaŭ skazaŭ, što jość pryčyny kamercyjnaha charaktaru, kab spynić dziejnaść N.R.M. «Dyski pradajucca słaba, kancerty redkija. Paśla hetaha turu my, chutčej za ŭsio, razyjdziemsia, jak kamanda. Budziem rabić svaje asobnyja prajekty».
Lider hrupy Lavon Volski nie padzialaje mierkavańnia Pita. «U nas šmat kancertaŭ, my źbirajemsia zrabić niekalki novych klipaŭ… Nie, N.R.M. budzie žyć».
Zaraz hurt jedzie z turam pa abłasnych haradach Biełarusi, a na Dzień Voli daść žyvy kancert na radyjo ŭ Varšavie.
Raskład turu N.R.M.
Mahiloŭ: 13 sakavika Liga club
Homiel: 14 sakavika CDK
Miensk: 19 sakavika R-club
Horadnia: 20 sakavika K/ź filarmonii
Bieraście: 21 sakavika DK Prafsajuzaŭ
 |
 |
 |
 |
 |
 |
 |
 |
 |
