 |
«My nia ličym ADS na siońniašni dzień dziejsnaj i ŭpłyvovaj palityčnaj strukturaj. Aŭtarytet arhanizacyi pastajanna padaje, niama adzinaha lidera. Taksama składanym vybaram dla nas była supraca z Partyjaj kamunistaŭ u adnoj kaalicyi. Kamunisty pa siońniašni dzień nie pakajalisia ŭ svaich złačynstvach XX stahodździa. Tamu vychad z ADS byŭ dla nas taksama i maralnym vybaram. Na dadzienym etapie my nia bačym karyści ŭ takoj kaalicyi», — paviedamiŭ Ivan Šyła.
Pa słovach salihorskaha «maładafrontaŭca», arhanizacyja źbirajecca supracoŭničać ź blizkim joj pa duchu Biełaruskaj chryścijanskaj demakratyja, rucham «Za svabodu», a taksama arhkamitetam sacyjał‑demakratyčnaj partyi Mikoły Statkieviča. U ADS «Małady front» mieŭ dva hałasy.
Taksama 9 sakavika adbylisia vybary kiraŭnictva «Maładoha frontu». Staršyniom arhanizacyi staŭ Źmicier Daškievič, a jahonymi namieśnikami Artur Fińkievič, Ivan Šyła i Nasta Pałažanka. Ciapier siabry arhanizacyi buduć rychtavacca da čarhovaha ŭstanoŭčaha schodu «Maładoha frontu», kab znoŭ sprabavać aficyjna zarehistravacca.
