 |
Da dyrektara byli vyklikany ŭsie kłasnyja kiraŭniki, jakim pahražali zvalnieńniem u tym vypadku, kali dzieci nie buduć ustupać u BRSM.
— Jašče dva tydni tamu, — havoryć Hanna, — kolkaść siabroŭ BRSM u našaj škole składała 86 čałaviek. Ciapier ža ich užo 193. Dva hady nazad, kali ja stała sakratarom pieršasnaj arhanizacyi, sakratar haradskoha kamiteta BRSM Ina Karatkievič mnie kazała, što nichto nikoha zahaniać u arhanizacyju prymusova nie budzie, ale na spravie ŭsio akazałasia nie tak.
Letaś, — praciahvaje Hanna, — ja źviarnułasia da staršyni Kastryčnickaj rajonnaj arhanizacyi Dźmitryja Cimafiejenki z pytańniem: «Jak možna vyjści z arhanizacyi? « Jon mnie adkazaŭ: stanie 31 hod, voś tady i raźvitaješsia. Adnak paźniej ja aznajomiłasia sa Statutam arhanizacyi i pavodle prapisanaj pracedury padała zajavu ab svaim vychadzie ź jaje šerahaŭ.
Adrazu paśla hetaha školnica była vyklikana na razmovu da dyrektara škoły. Spačatku joj pahražali: takija pavodziny buduć adlustravany ŭ charaktarystycy, a ŭrešcie paprasili pačakać da momantu spravazdačna‑vybarčaj kanfierencyi, pry hetym paraiŭšy vyjści z šerahaŭ arhanizacyi praź miesiac paśla jaje.
— Na kanfierencyi prysutničała hałoŭny ideołah škoły i adnačasova namieśnik dyrektara pa vychavaŭčaj pracy Halina Kalinovič, — raspaviadaje Hanna. — Jana całavała ŭsich novych siabroŭ BRSM pry ŭručeńni členskich biletaŭ, a heta bolš za 100 čałaviek! Niehledziačy na papiaredniaju razmovu ja pierad usioj zalaj zajaviła ab svaim vychadzie z arhanizacyi. Bolšaść maich siabraŭ vitali majo rašeńnie i zaharelisia anałahičnym žadańniem.
Akramia hetaha, były sakratar piarvički adznačaje vyšejšuju stupień farmalizmu arhanizacyi i niemahčymaść samarealizacyi tam, u pryvatnaści tamu, što akcyi ŭ bolšaj stupieni byli nakiravany dla spravazdačy, a nie na realnyja vyniki.
Siarod stanoŭčych momantaŭ pracy arhanizacyi Hanna adznačaje navučańnie sakrataroŭ pieršasnych arhanizacyjaŭ aratarskamu mastactvu i raźbiŭcy namiotaŭ.
— Paśla taho, jak ja źniała ź siabie paŭnamoctvy sakratara BRSM, mnie stała lepiej dychać, — padsumoŭvaje Hanna.
