 |
Niadaŭna ŭ horadzie prajšła admysłovaja narada, terminova sklikanaja staršyniom haradzkoha Savietu Hienadziem Maśko i staršyniom harvykankamu Alaksandram Pałyšenkavym. Na paradku dnia stajała adno pytańnie: jak pieraadoleć chvarobu «hraficizmu»? Na schod byli zaprošany pedahohi, rabotniki ŽKH, milicyi, handlu, transpartu, pradstaŭniki moładzievych arhanizacyj.
Pravaachoŭniki raskazali, što ŭ horadzie dziejničajuć niekalki hrupovak hraficistaŭ, jakija spaborničajuć adna z adnoj, chto zapyrskaje farbaj bolš ścien i ŭciače ad pakarańnia. Dzietki «hulajuć», a ŭron padličvajuć miljonami ŭstanovy kamunalnaj haspadarki.
Adzin z udzielnikaŭ niefarmalnaha hurtku hrafitystaŭ, jaki byŭ zaprošany na naradu, raskazaŭ pra kodeks honaru sapraŭdnych «prychilnikaŭ žanru».
Niapisanyja praviły zabaraniajuć palivać farbaj pomniki, aŭtamabili i novyja budynki. I kodeksu prytrymlivajucca «rajtery», jakija pracujuć na zamovu, udzielničajuć u spabornictvach, pracujuć, možna skazać, prafesijna. A hrupoŭka, jakuju nazyvajuć «bombiery», «bambić» usio, što pad ruku trapicca.
Darosłyja ŭdzielniki pašyranaj narady schilalisia da dumki, što najbolš dziejsnaj mieraj baraćby ź niesankcyjanavanym hrafityzmam źjaŭlajecca vyjaŭleńnie parušalnikaŭ i ŭnušalnyja štrafy.
Darečy, adzin z amataraŭ naściennaha rośpisu niadaŭna byŭ zatrymany i nakiravany ŭ śledčy izalatar. Ciapier vyśviatlajecca koła tavaryšaŭ 20‑hadovaha biespracoŭnaha bieraściejca.
Nadpisy na ścienach mohuć abiarnucca štrafam da 50 bazavych vieličyń (1,75 miljona rubloŭ). A kali škoda akažacca značnaj, pakarańniem moža być navat aryšt da troch miesiacaŭ.
Ale kab było z kaho spahnać hrošy na adnaŭleńnie paškodžanych fasadaŭ, treba złamyśnika złavić, dastavić jaho ŭ adździaleńnie milicyi, aformić nieabchodnyja dakumenty. Tamu ŽREU Bieraścia vyrašyła płacić premii rabotnikam, jakija zatrymajuć hrafitystaŭ.
Dvorniki, prybiralščycy i inšyja supracoŭniki, jakija złoviać parušalnika, atrymajuć 10 bazavych vieličyń — heta krychu bolš za 300 tysiač rubloŭ.
Straty ad hraficistaŭ tolki sioleta skłali niedzie try miljony rubloŭ, a ŭ dvarach, na vulicach kožny dzień pracujuć 600 supracoŭnikaŭ arhanizacyi, paviedamlaje «Źviazda».
