U Londanie vyjšaŭ muzyčny zbornik, prymierkavany da Dnia Voli 25 Sakavika 2008. Dysk źmiaščaje čatyry viadomyja biełaruskija pieśni roznych žanraŭ, ad relihijnych himnaŭ da narodnych biasiednych. Zapisy byli zroblenyja Ninaj Evans , Sieržukom Vinahradavym i viadomym hukarežyseram Brajanam Evansam pry padtrymcy Zhurtavańnia Biełarusaŭ Vialikabrytanii.
Muzyčnyja apracoŭki pieśniaŭ majuć adbitak zachodniaje papularnaje kultury j vyłučajucca nieardynarnym spałučeńniem roznych muzyčnych tradycyjaŭ i stylaŭ. Hetkim čynam dysk robić svoj uniosak u bahatuju muzyčnuju kulturu biełarusaŭ.
Pieršy tvor, «My vyjdziem ščylnymi radami», tradycyjna ŭvažajecca šmat jakimi biełarusami za nacyjanalny himn. Zapisanaja versija hetaje pieśni maje dynamiku vajskovaha maršu j vyznačajecca uźniosłaściu j vieličču.
«Mahutny Boža», biełaruski relihijny himn na vieršy Natalli Arsieńnievaj, staŭsia ahulnanacyjanalnaj malitvaj dla chryścijaŭ‑biełarusaŭ. Pryviedzieny zapis utrymoŭvaje elementy ŭschodniaje charavoje tradycyi.
«Drobna‑Drabnica» — adna z samych ulubionych pieśniaŭ biełaruskich biasiedaŭ. Jejnaja dramatyzavanaja apracoŭka pieradaje hullivuju atmasferu biełaruskich siamiejnych śviataŭ i abudžaje nastalhiju pa kultury minułaha.
«Šumnyja biarozy» na vieršy Pieśniara — ulubionaja pieśnia Vasila Bykava. Ščymlivaja liryka j kranalnaja melodyja pieradajuć tuhu biełarusaŭ pa svabodzie.
Ahułam, zapis čatyroch pieśniaŭ sa skarbonki biełaruskaje muzyčnaje kultury nia moh by znajści lepšha času za piaredadzień 90-ch uhodkaŭ Biełaruskaje niezaležnaści! Zapisy možna słuchać u internecie na staroncy «zhyvebelarus».