Pryjezd rektara BDEU, byłoha ministra ekanomiki ŭ Vienu supravadžaŭsia pratestami biełaruskich studentaŭ, vyhnanych za palityku, jakija ciapier navučajucca ŭ Aŭstryi. I vyklikaŭ nervovuju reakcyju syna Šymava, Jarasłava, jaki pracuje na rasiejskaj słužbie radyjo «Svaboda».
Z 27 da 29 sakavika ŭ Vienie prachodziła mižnarodnaja kanferencyja «Biełaruś u Eŭropie: Ekanamičnaje supracoŭnictva i palityčny dyjaloh». Siarod jaje ŭdzielnikaŭ – Ŭładzimier Šymaŭ, rektar BDEU, były ministar ekanomiki Biełarusi. Mienavita na zahad U. Šymava z “narhasu” ŭ 2005 hodzie była vyklučana studentka-vydatnica Taciana Choma. Dziaŭčyna ciapier praciahvaje vučobu akurat u stalicy Aŭstryi.
Z nahody pryjezdu Šymava biełaruskija studenty, jakija navučajucca ŭ Aŭstryi, vystupili z admysłovaj zajavaj. Siarod inšaha tam adznačajecca: «Udzielničajučy ŭ kanferencyi ŭ Vienie, rektar Šymaŭ atrymaje mahčymaść naviedać adnu z najpryhažejšych stalicaŭ Eŭropy, budzie žyć u dobrym hateli, mahčyma, atrymaje hanarar za svoj vystup, ci jaho zvodziać u Operu, jon moža naviedać svajho syna i ŭnukaŭ, što žyvuć u susiedniaj Prazie. Luby čałaviek maje prava na hetyja pryjemnyja rečy. Ale hetak ža i adličanyja ci zapałochanyja im studenty majuć svaje pravy, jakija rektar Šymaŭ źniavažyŭ», – havorycca ŭ zajavie.
Adreahavaŭ na hetyja padziei ŭ svaim błohu i syn Uładzimiera Šymava Jarasłaŭ, jaki pracuje na rasiejskaj słužbie radyjo «Svaboda».
Šymaŭ-małodšy piša: «Ja liču, što prystojny čałaviek pavinien u pieršuju čarhu abaraniać svaich blizkich i siabroŭ, a ŭžo ŭ druhuju – razvažać pra Radzimu, pierakanańni, palityku i pra inšyja vysokija i abstraktnyja materyi. Ja nia viedaju nivodnaha ździejśnienaha U.M. Šymavym učynku, adnosna jakoha ja adčuvaŭ by niejkija maralnyja sumnievy, – za adzinym vyklučeńniem: adličeńnie z BDEU studentki Taciany Chomy. Praŭda, sytuacyja i z Chomaj była nie na stolki adnaznačnaj, jaki heta apisvali i apisvajecca ŭ apazycyjnych ŚMI. Adznaču, što farmalnaja asnova dla adličeńnia była». Što praŭda, hetuju pryčynu syn rektara «narhasu» nie nazyvaje.
Jarasłaŭ Šymaŭ kaža, što jahony baćka nia maje nijakaha dačynieńnia da dopytaŭ supracoŭnikami KDB studentaŭ BDEU. «Darahija suajčyńniki, chiba vy nia ŭ kursie, što ŭ Biełarusi KDB pierad tym, jak kantaktavać ź niekim, nia maje zvyčki kansultavacca z načalnikam toj persony, da jakoj u aznačanaha viedamstva źjaviŭsia intares?»
Supracoŭnik rasiejskaj «Svabody» pierakanany, što rektar BDEU nie adličyŭ nivodnaha studenta za palityčnyja pohlady padčas prezydenckich vybaraŭ 2006 hodu i padziejaŭ na Płoščy. Sajt abarony represavanych “Salidarnaść” daje inšuju ličbu – 10 čałaviek.
«Tak, moj baćka, jak i tysiačy biełaruskija dziaržaŭnych słužboŭcaŭ, hulaje pa praviłach hetaj systemy, jakaja stvoranaja ŭ našaj krainie, Biełarusi, u apošnija 14 hadoŭ», – ličyć Ja. Šymaŭ. Jon vysoka aceńvaje darobak svajho baćki: «Śliškom žie ŕjanym oppozicionieram choču skazať odno: nu vot priedstavtie siebie, čto čajemyj vami dień smieny vłasti nastał, Biełaruśju praviat inyje ludi. Čto oni unaśledujut? Vyžžiennuju ziemlu? Ničuť. Oni budut imieť dieło so stranoj daleko nie biesproblemnoj, odnako ž vyhladiaŝiej, osobienno po postsovietskim mierkam, vpołnie pristojno. ... I eto — v tom čiśle płod trudov biełorusskich tiechnokratov, k kotorym, mieždu pročim, otnositsia i «satrap riežima» V.N. Šimov. No čtoby vidieť eto, nužno smotrieť na vieŝi nieskolko širie, čiem privykli mnohije naši oppozicioniery».
Šymaŭ taksama vystupiŭ z krytykaj «radykalna-nacyjanalistyčnaj» i «liberalna-ekanamičnaj» apazycyi, bo jamu «niama achvoty iści pad ściahami Paźniaka i Ramančuka» h.zn., u tłumačeńni Šymava, ani budavać «Biełaruś biez maskaloŭ dy ruskamoŭnych, ni libieralnyje džunhli dla «silnych i uvieriennych v siebie» diadiušiek Skrudžiej». «Skažam, ja, pry svaich dastatkova krytyčnych pohladach na biełaruskuju rečaisnaść nie mahu i nie chaču ličyć siabie apazycyjaneram u tym razumieńni, jakoje daminuje ŭ Biełarusi – prosta tamu, što mnie zdajucca vielmi sumnieŭnymi mnohija mantry apazycyjnaj tusoŭki», – padsumoŭvaje jon. Na dumku, Šymava, apazycija na ažyćciaŭleńnie evalucyjnych pieramienaŭ nia zdolnaja — «jak u siłu svajoj nievialikaj papularnaści ŭ hramadztvie, tak i tamu, što i starejšaje jaje pakaleńnie, i častka maładoha ŭ mnohim žyvie ŭ toj Biełarusi, jakoj niama — u «niabiosnaj Biełarusi» svaich mrojaŭ.
Aŭstryjskija studenty siońnia sustreli Šymava akcyjami pratestu i dasiahnuli taho, što rektar vystupaŭ na kanferencyi pad plakatam pratestu. Pazycyja ŭ rektara BDEU za dva hady nie źmianiłasia. Padčas vystupu jon nastojvaŭ, što adličeńnie było zakonnym, zhodna z praviłami ŭnutranaha rasparadku, paviedamlaje generation.by.
Darečy, u vienskaj kanferencyi siarod inšych braŭ udzieł kiraŭnik centru «Ekaom», jaki raspaŭsiudžvaŭ vyniki «ekzyt-połaŭ» u dzień hałasavańnia na apošnich vybarach, pavodle jakich A. Łukašenka pieramahaŭ, nabirajučy 83 % hałasoŭ.
