Fiederalnaja reziervovaja słužba ZŠA padniała 16 śniežnia bazavuju staŭku z 0—0,25% da 0,25-0,5%. Heta pieršaje pavyšeńnie z 2006 hoda.
U pres-relizie havorycca, što za pavyšeńnie staŭki prahałasavali ŭsie členy narady, u tym liku i kiraŭnik Fiederalnaj reziervovaj sistemy ZŠA Dženiet Jelen.
U 2008 hodzie, kali ŭ ZŠA pačaŭsia ekanamičny kryzis, FRS źniziła klučavuju staŭku da rekordna nizkaha ŭzroŭniu - 0,25%. Z tych časoŭ jana zastavałasia niaźmiennaj. Na pasiadžeńni, jakoje prajšło 29 lipienia 2015, było vyrašana pakinuć klučavuju staŭku na raniejšym uzroŭni 0-0,25%. Tady kamitet pa apieracyjach na adkrytym rynku FRS (FOMC) paviedamiŭ ab palapšeńni situacyi na rynku pracy i ŭmieranym roście inflacyi. Praŭda, hetyja ŭmovy akazalisia niepadychodziačymi dla pavyšeńnia staŭki.
Imavierna, pavyšeńnie staŭki taksama moža pryvieści da dalejšaha ŭmacavańnia dalara i, adpaviedna, asłableńnia jeŭra.
Na siońnia suadnosiny jeŭra da dalara składajuć 1,10 (abo USD/Euro — 0,91). Choć dva tydni tamu jeŭra naohuł padaŭ da 1,05.
