 |
Što praŭda, u čaćvier «Junactva» mieła realny šaniec začapić choć adnu hulniu. Niekatoryja taksama mierkavali, što i «Kieramin» zachoča aformić čempijonstva na chatniaj placoŭcy na vulicy Prytyckaha. Ale ŭsio skončyłasia prazaična. Kamanda Michaiła Zacharava namahańniami Alaksieja Ŭharava adkryła lik, ale Maksim Słyš pieravioŭ matč u overtajm — 1:1. Tam čarhovy raz u hetym sezonie ŭdača ŭśmichnułasia «drakonam». «Załatuju šajbu» pieršynstva 2007/2008 zabiŭ Alaksiej Płotnikaŭ. U vyniku 2:1 u hulni i 4:0 u seryi.
Letaś «Kieramin» z takim samym likam u finale prajhraŭ mienskamu «Dynama». Čempijonstva «Kieraminu» vyhladaje absalutna lahičnym. Kamanda na adnym dychańni prajšła ŭsio rehularnaje pieršynstva, a taksama nie prajhrała nivodnaj hulni ŭ płej‑of. Heta pieršy pośpiech maładoha trenera Andreja Husava. Što da «Kieraminu», to kamanda ŭ druhi raz u historyi vyjhrała čempijanat, pieršy vypadak byŭ zafiksavany ŭ 2002 hodzie.
Čempijanat skončany, ale častka chakieistaŭ jašče nia idzie ŭ adpačynak. U pačatku traŭnia ŭ kanadzkich haradach Kvebek i Halifaks startuje čempijanat śvietu, dzie zhulajuć i biełarusy.
