Pavodle jaje słoŭ, sudździoj pryznačany Uładzimir Aŭdziejenka. Sprava aktyvista pradprymalnickaha ruchu była pieradadziena ŭ sud Maskoŭskana rajona 31 sakavika.
V.Stramkoŭskaja raskazała, što 2 krasavika S.Parsiukieviču, narešcie, udałosia pieradać leki. Raniej, pavodle słoŭ žonki, joj nie dazvalali pieradavać jamu nieabchodnyja miedykamienty, da prykładu, kropli ŭ nos. Pradprymalnik u zapiscy žoncy paviedamiŭ, što stan jaho zdaroŭja rezka pahoršyŭsia. U jaho abvastryłasia branchijalnaja astma, jon nie moža narmalna dychać, što stała pryčynaj prablem z sercam. U kamiery vielmi dušna, pakolki tam znachodziacca 13 čałaviek, mnohija ź jakich kurać.
Nahadajem, viciebski pradprymalnik S.Parsiukievič byŭ aryštavany 4 sakavika paśla taho, jak z'javiŭsia na dopyt u prakuraturu Maskoŭskaha rajona Minska. Jamu pradjavili abvinavačańnie ŭ złačynstvie, praduhledžanym artykułam 364 Kryminalnaha kodeksa (nasille abo pahroza nasilla ŭ dačynieńni da supracoŭnika milicyi). S.Parsiukievič abvinavačvajecca ŭ tym, što padčas adbyćcia pakarańnia za ŭdzieł u akcyi pratestu pradprymalnikaŭ 10 studzienia ŭ Minsku ŭ śpiecpryjomniku‑raźmierkavalniku na vulicy Akreścina napaŭ na milicyjaniera. Abarona śćviardžaje, što heta supracoŭniki śpiecpryjomnika źbili pradprymalnika, paviedamlaje BiełaPAN.
Zaznačym, što 16 krasavika ŭ inšym sudzie — Centralnaha rajonu stalicy — raspačniecca praces pa «Spravie 14». Čatyrnaccać maładych ludziej abvinavačvajuć pavodle art. 342‑1 Kryminalnaha kodeksu: «Arhanizacyja i padrychtoŭka dziejańniaŭ, što hruba parušajuć hramadzki paradak, abo aktyŭny ŭdzieł u ich» ‑‑ h.zn. za ŭdzieł u mitynhu pradprymalnikaŭ 10 studzienia.