Pavodle jaho słoŭ, Biełaruś zajmaje druhoje miesca siarod krain Uschodniaj Jeŭropy pa kolkaści hramadzian polskaha pachodžańnia. Pieršaje miesca zajmaje Litva (400 tysiač čałaviek), treciaje — Ukraina (140 tysiač).
V.Tyčyński zaznačyŭ, što ŭsiaho Polšča płanuje vydać bolš jak 1 młn. «kart palaka», u tym liku ad 100 da 200 tysiač u 2008 hodzie. «U nas niama prahnozaŭ pa krainach. Usio budzie zaležać ad zacikaŭlenaści ŭ atrymańni takoj karty», — skazaŭ V.Tyčyński.
Jon taksama zaznačyŭ, što dakumienty na atrymańnie karty budzie razhladać konsuł, a sama karta budzie vyrablacca ŭ Polščy. Pry hetym V.Tyčyński padkreśliŭ, što «karta palaka» nie budzie zamianiać polskuju vizu. Dla ŭjezdu ŭ krainu ŭładalniku karty daviadziecca atrymlivać vizu, jakaja budzie vydavacca biaspłatna. Razam z tym, skazaŭ pradstaŭnik polskaha MZS, za atrymańnie šenhienskaj vizy ŭładalnikam «karty palaka» daviadziecca płacić.
V.Tyčyński taksama paviedamiŭ, što Polšča vydzieliła na arhanizacyju vydačy «karty palaka» ŭ 2008 hodzie 13,3 młn. złotych (6,05 młn. dołaraŭ).
Jak raniej paviedamlaŭ BiełaPAN, 31 sakavika pasolstva Polščy ŭ Minsku pačało pryjom dakumientaŭ biełaruskich hramadzian dla atrymańnia «karty palaka». Za tydzień prykładna 30 čałaviek užo padali dakumienty, pa kansultacyju źviarnulisia prykładna 150 čałaviek.
