 |
Urad Biełarusi rekamendavaŭ orhanam dziažaŭnaha kiravańnia, arhanizacyjam, miascovym vykanaŭčym i rasparadčym orhanam na dobraachvotnaj asnovie pravieści 19 krasaika respublikanski subotnik na rabočych miescach. Zamiest hetaha možna ažyćciavić dobraŭparadkavańnie i pryviadzieńnie ŭ naležny stan skveraŭ, parkaŭ, inšych zon masavaha adpačynku, prajeznaj častki vulic, tratuaraŭ i dvarovych terytoryj. Adpaviednaje rašeńnie źmiaščajecca ŭ pastanovie Savietu Ministraŭ ad 7 krasavika 2008 hodu numar 517.
Zaroblenyja na rabočych miescach u dzień praviadzieńnia respublikanskaha subotnika hrašovyja srodki ŭ abjomach, što vyznačajucca rabotnikami, u dobraachvotnym paradku pieraličvajucca ŭ abłvykankamy i Mienski harvykankam, jakija ŭ svaju čarhu nakiroŭvajuć 50 pracentaŭ hetych srodkaŭ u Ministerstva finansaŭ. Hetyja srodki buduć zraschodavavany na nabyćcio reanimabilaŭ z poŭnaj kamplektacyjaj ich medycynskaj technikaj i inšym nieabchodnym abstalavańniem dla Respublikanskaha navukova‑praktyčnaha centru «Maci i dzicia» i inšych dziaržaŭnych arhanizacyj achovy zdaroŭja, padparadkavanych Ministerstvu achovy zdaroŭja, abłvykankamam i Mienskamu harvykankamu, jakija akazvajuć medycynskuju dapamohu dzieciam.
Druhija 50 pracentaŭ hrašovych srodkaŭ zastajucca ŭ rasparadžeńni abłvykankamaŭ i Mienskaha harvykankamu j vykarystoŭvajucca na nabyćcio medycynskaj techniki dla dziaržaŭnych arhanizacyj achovy zdaroŭja, jakija akazvajuć medycynskuju dapamohu dzieciam.
Utrymańnie najmalnikam hrašovych srodkaŭ z zarabotnaj płaty rabotnikaŭ, dla jakich 19 krasavika 2008 hoda źjaŭlajecca rabočym dniom, pravodzicca dobraachvotna.
Rabočuju hrupu pa padrychtoŭcy i praviadzieńni subotnikaŭ uznačalić namieśnik premjer‑ministra Biełarusi Alaksandr Kosiniec.
Ministerstvu transpartu i kamunikacyj, abłvykankamam i Mienskamu harvykankamu daručana zabiaśpiečyć u hety dzień bieśpierabojnuju rabotu pasažyrskaha transpartu.
