 |
Hod tamu adbyŭsia skandalny padzieł Biełaruskaj Vikipedyi pavodle pravapisu. 27 sakavika 2007 hodu prychilnikam narkamaŭki byŭ addadzieny damen be.wikipedia.org, na jakim papiarednie ŭžo try hady isnavała Biełaruskaja Vikipedyja klasyčnym pravapisam. U vyniku encyklapedyja na taraškievicy była pieraniesienaja na inšy damen. Jakija stasunki miž dźviuma Biełaruskimi Viki siońnia, daviedaŭsia Generation.by.
Hod tamu byli chvalavańni, što bolej čym šeść tysiač artykułaŭ, nazapašanych ad dnia zasnavańnia Biełaruskaj Vikipedyi 12 žniŭnia 2004, buduć prosta źniščanyja. Padstavy dla chvalavańniaŭ byli — zranku z sajtu raptoŭna źnikli ŭsie artykuły, a karystalniki nie mahli ŭvajści pad svaimi nikami.
Na praciahu niekalkich miesiacaŭ prychilniki narkamaŭki damahalisia ad administracyi Vikipedyi stvareńnia dla ich asobnaj placoŭki. Da hetaha momantu ich prajekt raźvivaŭsia ŭ tak zvanym inkubatary, dzie zaŭziatary stvaryli 3565 artykułaŭ, napisanych narkamaŭkaj. U vyniku damien be.wikipedia.org byŭ addadzieny im.
Uviečary 27 sakavika minułaha hodu stała viadoma, što Biełaruskaj Vikipedyi klasyčnym pravapisam byŭ dadzieny novy damen be-x-old.wikipedia.org.
Prajšoŭ hod z časoŭ haračych sprečak i ŭzajemnych abvinavačvańniaŭ na abodvuch pravapisach. Adnak Biełaruskaja Vikipedyja tak i isnuje ŭ dźviuch versijach, i vyhladaje na toje, što mirycca bližejšym časam nie źbirajecca.
Generation.by raspytaŭ stan spravaŭ i ŭdakładniŭ, jak aceńvajuć sytuacyju pradstaŭniki klasyčnaha i narkamaŭskaha bakoŭ. RWD, administratar raździełu Vikipedyi klasyčnym pravapisam, padzialiŭsia svaim mierkavańniem pra biahučuju sytuacyju:
«Pra raskoł i adnosiny ź inšym bokam mahu skazać, što asablivych adnosinaŭ zaraz niama, bo niama čaho zaraz dzialić, to bok z tym raździełam kamunikacyja idzie na tym ža ŭzroŭni, što i ź lubym inšamoŭnym raździełam Vikipedyi».
Nia tak daŭna było abvieščana, što kolkaść artykułaŭ u Vikipedyi narkamaŭkaj dasiahnuła 10‑tysiačnaj miažy i praciahvaje raści, kolkaść ža artykułaŭ u Vikipedyi klasyčnym pravapisam mienšaja — na siońniašni dzień tam 9 021 artykuł.
«Ja by nia mieraŭ Vikipedyi kolkaściu artykułaŭ, heta biezumoŭna źjaŭlajecca pakazčykam, ale daloka nie hałoŭnym, hałoŭny — heta jakaść. Da prykładu mahu skazać, što niahledziačy na toje, što u narkamaŭskaj Vikipedyi kolkaść artykułaŭ bolej, ale ŭ Vikipedyi klasyčnym pravapisam siaredni pamier artykuła pieravyšaje siaredni pamier artykuła ŭ Vikipedyi aficyjnym pravapisam», — tłumačyć RWD.
Adzin ź pieršych udzielnikaŭ novaha Biełaruskaha Viki‑prajektu narmatyŭnym pravapisam, jaki začaŭsia ŭ tak zvanym Inkubatary — Mienski — z hod tamu adyšoŭ ad aktyŭnaha ŭdziełu ŭ pracy prajekta, ale dasiul sočyć za žyćciom supołki. Jon padzialiŭsia z Generation.by svaimi nazirańniami:
«Pavodle maich nazirańniaŭ, paśla padziełu biełaruskaja Vikipedyja ŭ abiedźviuch litaraturnych normach — aficyjnym pravapisie i taraškievicy — raźvivajecca nia mienš aktyŭna. A što da narmatyŭnaha raździeła, dyk možna ŭpeŭniena śćvierdzić pra pavyšeńnie jakaści artykułaŭ dy ŭnikalnaści źmieščanaj infarmacyi.
Tamu ja sam hladžu na hety padzieł jak na niešta abjektyŭna pazytyŭnaje: biełaruskaj infarmacyi ŭ siecivie stała bolej, dy jakaśniejšaj. Naohuł, jość niekalki ŭdzielnikaŭ biełaruskaha Viki‑ruchu, jakija ŭdzielničajuć u pracy abodvuch biełaruskich prajektaŭ: pieravodziać pravapis artykułaŭ na nieaśviečanyja temy na patrebny dy dadajuć źviestki ŭ encyklapedyju, u jakoj nie staje niejkaj tematyki. Karaciej, sapraŭdy vartaja infarmacyja nie hublajecca na roznych placoŭkach i traplaje da biełaruskaha spažyŭca».
Perspektyvy supracoŭnictva abodvuch Vikipedyj Mienski aceńvaje nastupnym čynam:
«Ja dyk peŭny, što my partnery, robim ahulnuju spravu, biełaruskuju, a tamu nia treba ŭžo farsiravać varažnieču, jakaja, moža, u kaho dasiul tryvaje. Mahčyma, chtości dasiul nas liča ahientami KHB ci kamunistami, jak śćviardžali ŭ časie «padziełu«, mahčyma… Ale my tut ničym hetym ludziam nie daradzim. Našaja supolnaść ad pieršych dzion reklamuje taraškievicki raździeł na Hałoŭnaj staroncy encyklapedyi».
Dapamahčy ŭzbahacić Biełaruskuju Vikipedyju — lubym pravapisam — moža kožny.
Ahulnaja kolkaść artykułaŭ na ŭsich movach śvietu, jakimi pracuje najbujniejšaja volnaja encyklapedyja, dasiahnuła niadaŭna 10 miljonaŭ.
Ciapier u Wikipedia:
- 255 moŭnych raździełaŭ
- Bolš za 10 miljonaŭ artykułaŭ
- Kala 34 miljonaŭ staronak
- Bolš za 464 miljonaŭ daviedak
- Amal 4,5 tysiačy administrataraŭ
- Bolš za 11 miljonaŭ zarehistravanych karystalnikaŭ
- Bolš 4 miljonaŭ medyjafajłaŭ
