Abjom emisii troch vypuskaŭ valutnych ablihacyj Nacyjanalnaha banka na hetym tydni skłaŭ 190 młn dalaraŭ, śviedčać statystyčnyja źviestki rehulatara.
Daŭhavyja papiery 48-ha — 50-ha vypuskaŭ naminavanyja ŭ amierykanskaj valucie — na 75 młn, 75 młn i 40 młn dalaraŭ, termin ich abaračeńnia 182, 365 i 366 dzion adpaviedna.
Faktyčnaje raźmiaščeńnie ablihacyj skłała 22,4 młn, 33 młn i 40 młn dalaraŭ, dachodnaść ablihacyj ŭstanoŭlenaja na ŭzroŭni 8,1%, 8,3% i 6,8% hadavych adpaviedna.
Biełaruskija ekanamisty źviartajuć uvahu na toj fakt, što aktyŭny vypusk ablihacyj Nacyjanalnaha banka prypadaje na miesiacy pikavych płaciažoŭ dziaržavy pa valutnych abaviazacielstvach.
Tak, pavodle źviestak Nacbanka, zahadzia ustanoŭlenyja vydatki valutnych aktyvaŭ (jakija ŭjaŭlajuć saboj viadomyja abo zapłanavanyja dahavornyja abaviazacielstvy orhanaŭ hrašova-kredytnaha rehulavańnia i centralnaha ŭrada) z terminam pahašeńnia da 1 miesiaca na 1 studzienia 2016 hoda składali 1,52 młrd dalaraŭ.
Usiaho na 2016 hod zahadzia ustanoŭlenyja čystyja vydatki valutnych aktyvaŭ ustanoŭleny na ŭzroŭni 6,25 młrd dalaraŭ.
Nahadajem, u 2015 hodzie, jak paviedamiŭ raniej Nacyjanalny bank, pahašeńnie ŭradam i Nacbankam źniešnich i ŭnutranych abaviazacielstvaŭ u zamiežnaj valucie skłała prykładna anałahičnuju sumu — 6 młrd dalaraŭ.
U suviazi z pahašeńniem valutnych abaviazacielstvaŭ, paviedamlaŭ Nacbank, zołatavalutnyja reziervy Biełarusi ŭ minułym hodzie źnizilisia na 883,3 młn dalaraŭ i skłali na 1 studzienia 2016 hoda 4,18 młrd dalaraŭ.
Pry hetym varta zaznačyć, što ŭ minułym hodzie značny abjom valutnych abaviazacielstvaŭ dziaržava refinansavała šlacham pryciahnieńnia novych zapazyčańniaŭ. Tak, za 2015 hod Minfin i Nacbank šlacham vypusku valutnych ablihacyj i za košt kredytnych resursaŭ pryciahnuli kala 3,8 młrd dalaraŭ ZŠA.
