Kamentar Redakcyi.
Prapahandysty, zapazyčyŭšy kalanijalnuju schiemu, vystaŭlajuć nacyjanalny ruch, demakratyčnuju apazycyju ŭ cełym hetkimi «etničnymi nacyjanalistami», jakija mierajuć čarapy i nočy nia śpiać, dumajučy, jak by zachapić Smalensk i Biełastok. Toj samy «Małady front» jak tolki nie nazyvajuć.
Tym časam rasiejku, dačku vajskoŭca Kasiu Sałaŭjovu sudzili za prynaležnaść da Maładoha Frontu. Kirhizka Maŭluda Atakułava za akcyju salidarnaści z Sałaŭjovaj u Połacku praviała noč u izalatary, a na nastupny dzień była aštrafavanaja na 1 225 000 rubloŭ. Karejskija karani maje Andrej Kim, jaki ciapier u SIZA čakaje sudu.
Biełaruski nacyjanalny ruch zachoŭvaje hramadzianski charaktar, jadnaje ludziej pa hramadzianskaj, a nie etničnaj prykmiecie, i dabivajecca vyzvaleńnia ŭsich hramadzianaŭ Biełarusi, niezaležna ad pachodžańnia ci vyznańnia. Apošnija sudovyja pracesy heta jašče raz krasamoŭna paćvierdzili.
