«Niama ničoha bolš važnaha dla nas, čym vašaje zdaroŭje i biaśpieka vašych siemjaŭ», — kaža amierykanskim marakam u karotkim roliku, jaki byŭ apublikavany siońnia ŭ aficyjnym błohu Facebook, kamandujučy miedycynskaj słužbaj VMF ZŠA vice-admirał Klintan Forest Fejzan.
Virus Zika, adkryty ŭ 1947 hodzie, atrymaŭ šyrokaje raspaŭsiudžańnie ŭ Łacinskaj Amierycy. Hałoŭnaje, što pałochaje ludziej — kali infikujecca ciažarnaja žančyna, rezka padvyšajecca niebiaśpieka ciažkaj invalidnaści dziciaci.
Miarkujem, infarmacyja karysnaja i dla biełarusaŭ, jakija pracujuć ci chočuć pajechać u turystyčnuju vandroŭku ŭ Novy Śviet.
Hałoŭny miedyk samaha mahutnaha ŭ śviecie fłotu raspaviadaje, što:
1) Vakcyny ad virusa ci raspracavanych sposabaŭ lačeńnia chvaroby ciapier niama.
2) Simptomy (nazirajucca nie ŭ kožnaha inficyravanaha):
— padvyšanaja tempieratura
— «čyrvonyja vočy»,
— bol u myšcach i sustavach,
— syp,
— hałaŭny bol.
3) Minimizacyja ryzyki infiekcyi:
— admovicca ad vandrovak u krainy, dzie źjaviŭsia virus,
— tam, dzie virus aktyŭny, nasić vopratku, jakaja zakryvaje cieła, šyju, ruki i nohi,
— časta vykarystoŭvać repielenty ad nasiakomych,
— maksimalny čas zastavacca ŭ začynienych pamiaškańniach z pracujučymi kandycyjanierami,
— spać u łožkach pad maskitnymi sietkami,
— abmiažoŭvać seksualnyja kantakty.
4) Hałoŭnyja šlachi pieranosu virusa:
— kamary,
— nieabaronieny seks.
