 Usievaład Jančeŭski, Biełaruś-Fota |
Alaksandr Łukašenka siońnia naznačyŭ Usievałada Jančeŭskaha pamočnikam prezidenta Biełarusi — načalnikam hałoŭnaha ideałahičnaha ŭpraŭleńnia Administracyi prezidenta. Ab hetym BIEŁTA paviedamili ŭ pres‑słužbie A. Łukašenki.
Da naznačeńnia na hetu pasadu Usievaład Jančeŭski byŭ pieršym namieśnikam načalnika hałoŭnaha ŭpraŭleńnia — načalnikam upraŭleńnia pa kaardynacyi ideałahičnaj raboty hałoŭnaha ideałahičnaha ŭpraŭleńnia Administracyi prezidenta Biełarusi.
Jak paviedamiŭ žurnalistam Usievaład Jančeŭski, pierad davieranym jamu ŭpraŭleńniem «stajać zadačy rastłumačeńnia dziaržaŭnaj palityki, a nie prapahandy abo nacisku na ludziej, jak niekatoryja sprabujuć pakazać ideałahičnuju rabotu».
* * *
Pierad prychodam u Administracyju prezydenta Ŭsievaład Jančeŭski zajmaŭ pasadu hałoŭnaha redaktara hramadzka-palityčnaha časopisu «Płanieta» Administracyi prezydenta Biełarusi. Jon sprabavaŭ zrabić hetaje vydańnie prapahandysckim, praaŭtarytarnym, ale ŭ formie «žoŭtaha» kalarovaha časopisu. Chadzili čutki, što mienavita Jančeŭskamu naležała ideja paklikać rok-muzykaŭ na kanapu ŭ prezydenturu. Jančeŭski viadomy adnosnaj adkrytaściu i ŭvahaj da niedziaržaŭnych krynicaŭ infarmacyi.
* * *
Usievaład Jančeŭski naradziŭsia 22 krasavika 1976 h. u Barysavie. Skončyŭ jurydyčny fakultet Biełdziaržuniversytetu (1998). Pracavaŭ pieršym sakratarom CK Biełaruskaha patryjatyčnaha sajuzu moładzi (BPSM, 1997--2001).
Deputat pałaty pradstaŭnikoŭ nacyjanalnaha schodu Respubliki Biełarusi (z 2000).
Siabra praŭleńnia Fondu sacyjalnaj abarony moładzi, siabra kalehii Nacyjanalnaj dziaržaŭnaj teleradyjokampanii, siabra kalehii Dziaržaŭnaha kamitetu pa spravach moładzi.
Byŭ aktyvistam prezydenckaj kampanii (1994) A.Łukašenki, siabram pieradvybarnaha štabu (1995) S.Šuškieviča padčas vybaraŭ u Viarchoŭny Saviet.
Byŭ u partyi Słavianski Sabor "Biełaja Ruś".
Žanaty.
* * *
Siońnia Alaksandar Łukašenka taksama pryniaŭ niekalki kadravych rašeńniaŭ. Były namieśnik staršyni KDB Vasil Dziemianciej (źniaty razam z Sucharenkam u časie skandału vakoł źbićcia Łomacia) pryznačany namiecnikam staršyni Dziaržaŭnaha mytnaha kamitetu, Anatol Ściopuś pryznačany nadzvyčajnym i paŭnamocnym pasłom u Vialikaj Sacyjalistyčnaj Narodnaj Livijskaj Arabskaj Džamachiryi, Siamion Šapira (dyrektar ahrakambinatu «Dziaržynski», viadomy svajoj prychilnaściu da kapitalitystych madelaŭ raźvićcia ahrakompleksu) — ministram sielskaj haspadarki i charčavańnia, Uładzimier Astapienka - nadzvyčajnym i paŭnamocnym pasłom Biełarusi ŭ Respublicy Kuba, Ihar Sokał -- u Respublicy Uźbiekistan.
