U Brasłaŭskim rajonie ŭ DTZ paciarpieli žančyna j łoś

U Brasłaŭskim rajonie Viciebskaj vobłaści na aŭtadarozie Łahojsk — Zembin — Hłybokaje — miaža Łatvii, kala vioski Urbany, uviečary 21 krasavika adbyłosia DTZ. Vadziciel "Aŭdzi A-6" najechaŭ na łasia, jaki raptoŭna vybieh na prajeznuju častku.

Jak paviedamili BiełaPAN u pres-słužbie UUS Viciebskaha abłvykankama, u vyniku sutyknieńnia z žyviołaj paciarpieła pasažyrka, 55-hadovaja žančyna, žonka vadziciela inšamarki.

Jana atrymała zakrytuju čerapna-mazhavuju traŭmu i strasieńnie hałaŭnoha mozhu. Ranicaj 22 krasavika paciarpiełaja źviarnułasia pa miedycynskuju dapamohu ŭ Brasłaŭskuju centralnuju rajonnuju balnicu. Ciapier žančyna prachodzić lačeńnie ŭ chirurhičnym adździaleńni rajbalnicy.

BiełaPAN

0

0

0

0

0

0