Finał Kubku Biełarusi: MTZ-RIPA – «Šachcior» 3

Fota football.by

Siońnia vyznačylisia finalisty Kubku Biełarusi pa futbole. Imi stali mienski MTZ-RIPA i salihorski «Šachcior». Dva tydni tamu hetyja kamandy pieramahli adpaviedna BATE (4:2) i mienskaje «Dynama» (1:0).

Dla BATE Kubak Biełarusi ad pačatku nie vyhladaŭ za samametu – kamanda ŭ lubym vypadku letam syhraje ŭ Lizie čempijonaŭ. Ale padać nižej vyznačanaj planki barysaŭcy taksama nie chacieli. U niestabilnaści «traktarazavodcaŭ» i byŭ šaniec u čempijona, ale nie atrymałasia.

Užo ŭ pieršym tajmie hvinejski lehijaner MTZ-RIPA Kamara adkryŭ lik, a Viačasłaŭ Hleb jaho zamacavaŭ – 2:0. Paśla pierapynku BATE zdoleła adyhrać tolki adzin hoł, jaki na 81-aj chvilinie z penalci zabiŭ Hienadź Bliźniuk.

Zatoje halavy fejerverk zładziła para inšych paŭfinalistaŭ. Faktyčna, «Šachcior» vyrašyŭ los supraćstajańnia ŭžo na 54-aj chvilinie, kali kamanda vyjhravała ź likam 3:0. Adnak Aleh Škabara i słavak Robert Rak udała realizavali standartnyja momanty. Lik staŭ minimalnym – 3:2. Što praŭda, na bolšaje siamirazovaha čempijona Biełarusi ŭžo nie chapiła.

Finał Kubku projdzie 18 traŭnia. MTZ-RIPA i «Šachcior», aproč samoha trafeju, razyhrajuć taksama druhuju pucioŭku ŭ Kubak UEFA ad Biełarusi.

0

0

0

0

0

0

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH