 Siarhiej Sałaš |
Hetymi dniami KDB zrabiŭ zapyt u adździeł kadraŭ barysaŭskaj dystancyi puci Biełaruskaj čyhunki z metaju vyśvietlić peryjad pracy na hetym pradpryjemstvie staršyni miascovaj supołki Partyi BNF Siarhieja Sałaša. Ad 1996 da 1999 hodu palityk pracavaŭ u Barysaŭskaj DP aperataram defektaskapii.
Zarobkami Sałaša taksama zacikavilisia i padatkovyja słužby. 29 krasavika Alaksandar Łukašenka, źviartajučy da Nacyjanalnaha schodu, daŭ zahad staršyni KDK Zianonu Łomaciu «ŭzmacnić padatkovy kantrol za prybytkami prafesijnych apazycyjaneraŭ». A ŭžo na nastupny dzień padatkaviki patelefanavali Siarhieju Sałašu, namieśniku dyrektara ŭkrainska-rasiejska-biełaruskaha mižnarodnaha infarmacyjna-analityčnaha ahienctva «Eŭrapiejskaja chvala», z prośbaj dać tłumačeńni pa svaich dachodach až za 2006 hod.
U tym samym hodzie na kvateru palityka, a taksama na kvateru jahonych baćkoŭ była nakładzienaja časovaja zabarona na adasableńnie. Inšymi słovami, jany nia volnyja vyrašać los svajoj majomaści pradavać, daryć, to bok heta toj samy aryšt. Zabarona dziejničaje z kanca 2006 hodu, ale pra jaje haspadary daviedalisia tolki na pačatku 2008 hodu, kali raptoŭna pamior baćka Siarhieja Alaksandar Sałaš i ŭźnikła patreba pieraafarmlać majomasnyja dakumenty. Nijakaj jasnaści z aryštam kvater niama pa siońniašni dzień.
«Padazraju, što rychtujecca vielmi vyčvarnaja sproba cisku na mianie i maju siamju. Aryšt majoj ułasnaj kvatery i navat kvatery maich baćkoŭ, a taksama raptoŭnaja zacikaŭlenaść padatkavikami maimi dachodami hetamu jaskravaje paćvierdžańnie», – kaža S.Sałaš.
Nahadajem, što letaś prakuratura Barysaŭskaha rajonu sprabavała zavieści suprać Sałaša kryminalnuju spravu za dziejnaść ad imia niezarehistravanaj arhanizacyi, ale abmiežavałasia piśmovym papiaredžańniem.
