 |
Padpisanty, jakija pakul nie nazyvajuć svaje imiony, prosiać paŭpłyvać na pazytyŭnaje rašeńnie adnosna «sapraŭdnaha viaščańnia na Biełaruś z terytoryi Polščy», adznačaje pres-słužba «Maładoha frontu».
U liście adznačajecca, što radyjostancyi, jakija viaščajuć z Polščy («Racyja» i «Eŭrapiejskaje radyjo dla Biełarusi») skancentravalisia na vyrašeńni ŭnutrypolskich prablemaŭ i nia ŭ stanie kankuryravać ź biełaruskimi FM-stancyjami. Palityki prapanoŭvajuć stvaryć Naziralnuju radu, jakaja b sačyła za pracaj radyjostancyj.
«My dajem šmatlikija interviju, ale biełaruskija hramadzianie nia bačać nas i nia čujuć nas», — havorycca ŭ liście.
Taksama prapanujecca prazrystaje pryznačeńnie hałoŭnych redaktaraŭ hetych ŚMI ź ludziej, jakija majuć dośvied pracy ŭ ajčynnych FM-stancyjach.
Adzin ź inicyjataraŭ pasłańnia lider «Maładoha frontu» Źmicier Daškievič adznačaje:
«Treba pavyšać efektyŭnaść hetych ŚMI. Kali pa povadu «Biełsata» dyskutujuć usie, to pa povadu radyjostancyj nijakich dyskusij nie było. Jany viaščajuć «u kosmas», i nichto na heta nie źviartaje ŭvahi».
