 |
Sudździa Čyhunačnaha rajsudu Viciebsku Ŭładzisłaŭ Šykaroŭ pryznaŭ apazycyjnaha aktyvista Siarhieja Kavalenku vinavatym u pravaparušeńni hramadzkaha paradku, ździejśnienym 26‑ha krasavika hetaha hodu.
Siabar KCHP BNF byŭ asudžany za toje, što na ŭhodki čarnobylskaj katastrofy vyjšaŭ u centar horada ź bieł‑čyrvona‑biełym ściaham. Jaho amal adrazu zatrymali milicyjanty, i amal dvaoje sutak chłopcu daviałosia pravieści ŭ izalatary časovaha ŭtrymańnia.
28‑ha krasavika nad Siarhiejem Kavalenkam raspačaŭsia sud, ale aktyvist zapatrabavaŭ udziełu ŭ sudovym pracesie pierakładčyka, i hetaje jahonaje chadajnictva było zadavolena tolki siońnia.
Padtrymać Siarhieja Kavalenku ŭ sudzie pryjšli jahonyja rodnyja, siabry i moładzievyja aktyvisty. Praces praciahvaŭsia nia bolš za 15 chvilin, i naprykancy sudździa Šykaroŭ pračytaŭ padrychtavanuju zahadzia pastanovu — prysudzić apazycyjaneru štraf pamieram 30 bazavych vieličyń, što składaje adzin miljon 50 tysiač biełaruskich rubloŭ.
