Za rekanstrukcyjaj Radziviłaŭskaha pałacu sačyła fotakarespandentka «NN» Julija Daraškievič. Architektar Uładzimier Papruha ŭ interviju «NN»: Tolki vyklučeńnie Niaśviskaha zamku sa Śpisu JUNESKA zdoleje spynić razbureńnie.
Za rekanstrukcyjaj Radziviłaŭskaha pałacu sačyła fotakarespandentka «NN» Julija Daraškievič. Architektar Uładzimier Papruha ŭ interviju «NN»: Tolki vyklučeńnie Niaśviskaha zamku sa Śpisu JUNESKA zdoleje spynić razbureńnie.
UP: Niaśviski zamak (razam ź Mirskim i Biełavieskaj puščaj) maje ŭ hetym śpisie katehoryju 0. Ale kali «sposab» restaŭracyi praz padmienu staŭ normaj, to na naležnaść abjektu da śpisu JUNESKA ŭvaha paprostu nie źviartajecca. Niaśviskamu zamku nia dźvie tysiačy hod, jak pomnikam Rymu, što i ciapier znachodziacca ŭ zajzdrosnym stanie. Hety zamak nikoli nia byŭ u ruinach, na praciahu ŭsioj svajoj historyi jon aktyŭna ŭžyvaŭsia. I raptam akazvajecca, što jon jaho treba razburyć, bo niemahčyma ŭtrymać! U luboj krainie razabracca ŭ hetaj historyi było b spravaj Prakuratury ci Kamitetu dziaržaŭnaha kantrolu.
«NN»: Ale ŭ vypadku zamieny častki Niaśviskaha zamku makietam heta nahoda dla JUNESKA vyklučyć abjekt sa Śpisu.
UP: I ja asabista tolki b vitaŭ takoje rašeńnie. Liču, što hetaj spravie treba nadać mižnarodny rozhałas. Na žal, heta adziny sposab spynić narešcie Minkultury. Parušana ŭsio, što možna sabie ŭjavić — pracedura, metadalohija, narmatyŭnaja baza. Ja asabista pierakanany, što kali b narešcie ŭdałosia danieści da kiraŭnika dziaržavy ŭsiu praŭdu ab tym, što nasamreč siońnia adbyvajecca z kulturnaj spadčynaj, harantam zachavańnia jakoj źjaŭlajecca dziaržava, jon byŭ by mocna rasčaravany.Siońnia ŭvieś praces abychodžańnia z historyka‑kulturnaj spadčynaj starańniami Minkultury prosta vyviedzieny z pravavoha pola, a danieści adekvatnuju pazycyju da vyšejšaha kiraŭnictva praź «lehalnyja» ŚMI, na žal, niemahčyma. Zaŭvažcie, kali na pačatku 90‑ch hadoŭ u Biełarusi śpisy historyka‑kulturnych kaštoŭnaściaŭ naličvali kala 19 tysiač abjektaŭ, to ŭžo siońnia — tolki kala piaci tysiač. Navat Zamčyšča ŭ składzie Histaryčnaha centru Miensku, u 2006 hodzie było pazbaŭlena svajoj najvyšejšaj katehoryi.
Hutaryła Natałka Babina
Uładzimier Papruha architektar, były hałoŭny dziaržaŭny inspektar pa achovie spadčyny Mienharvykankamu, hadavaniec ICCROM (mižnarodnaj instytucyi, stvoranaj pad patranatam JUNESKA ŭ 1959 u Rymie jak hałoŭny metadyčny centar dla kansultavańnia apošniaj ŭ dačynieńni da historyka‑kulturnaj spadčyny), laŭreat Premii prafsajuzaŭ BSSR u halinie architektury.
