Najbujniejšyja rasiejskija hazety j časopisy vyjduć u sieradu ź biełymi pałosami ŭ znak pratestu suprać pavyšeńnia paštovych taryfaŭ.
Na pustych staronkach budzie tolki dva skazy: «Zadušyć svabodu słova možna roznymi sposabami. Naprykład, pavyšeńniem taryfaŭ na padpisku».
Hałoŭnyja redaktary niekalkich vydańniaŭ napisali list prezydentu Rasiei Dźmitryju Miadźviedzievu, u jakim adznačyli, što padpiska dla miljonaŭ rasijanaŭ źjaŭlajecca asnoŭnaj formaj atrymańnia infarmacyi pra žyćcio krainy j hramadztva.
Pavodle prahnozaŭ ekspertaŭ, u niekatorych rehijonach rost taryfaŭ na padpisku moža skłaści da sta pracentaŭ.
Jak paviedamlaje sajt Grani.ru, akcyju siarod inšaha padtrymajuć «Moskovskij komsomolec», «Arhumienty i fakty», «Iźviestija», «Komsomolskaja pravda».
